د پکتیا ولایت سیمهییز مسوولان وايي چې د دغه ولایت مرکز ګردېز په تېرې سیمه کې د ښاروالۍ له لوري په ۱۵۰ جریبه ځمکه باندې دلومړي ځل لپاره لوی تفریحي پارک جوړ شي. د مسوولانو په وینا، دغه تفریحي پارک به ټولې اسانتیاوې ولري.
د افغانستان د ځواکمنو ښځو غورځنګ له شپږم ټولګي پورته د نجونو د ښوونځیو پر تړل پاتېدو نیوکه وکړه. د دغه غورځنګ غړو نن کابل کې یوې خبري غونډې ته وویل، زدهکړه د ښځو اساسي حق ده او اسلامي امارت دې ژر تر ژره پر خپلې پرېکړې بیا کتنه وکړي.
د پاکستان د بهرنیو چارو وزارت ویاند عاصم افتخار پر افغانستان له هوايي برید وروسته ویلي، له څو میاشتو راپدېخوا اسلاماباد له کابل سره د ډيپلوماټیکو چینلونو له لارې ډیورنډ کرښې ته څېرمه سیمو کې د امنیت خوندیتوب او همغږۍ په موخه په اړیکه کې و.
د اسلامي امارت ویاند ذبیحالله مجاهد پرون پر خوست او کونړ ولایتونو د پاکستاني ځواکونو له لوري شوي هوايي بریدونه وغندل او وې ویل چې پاکستان دې په داسې مسایلو د افغانانو حوصلې نهازمايي او بیا تکرار به یې «بدې» پایلې ولري. مجاهد د دغې موضوع پر سیاسي حل ټینګار کړی دی.
د ننګرهار په شينوارو ولسوالۍ کې سلګونه ولسي وګړو پر کونړ او خوست د پاکستاني پوځیانو د بريدونو په غبرګون کې چې د ښځو او ماشومانو په ګډون څه باندې ۴۰ کسان پهکې ووژل شول، لاریون کړی.
د پکتیا ولایت محلي چارواکي سلاموطندار ته وایي چې بېګاه په ډنډ پټان ولسوالي کې ډیورنډ فرضي کرښې ته څېرمه د اسلامي امارت د پولهساتو ځواکونو او پاکستاني ملېشو ترمنځ نښته شوې ده. ځايي اوسېدونکي هم رامنځته شوې نښته تاييدوي او وايي چې دواړو خواوو څو ساعتونه پر يوه بل ډزې کولې.
د بادغیس اړوند د مقُر، قادس او جوند ولسوالیو اوسېدونکي د دغه ولایت له ولسوالیو څخه مرکز ته د غځېدلو سړکونو له خرابوالي شکایت کوي او وايي چې پر دغو لویو لارو د سفر پرمهال له ګڼو ستونزو او ګواښونو سره مخ دي.
په میدان وردګ ولایت کې روغتیايي چارواکي وايي چې د دغه ولایت اړوند د چک ولسوالي په روغتون کې یوې مور د جراحي عملیاتو په واسطه دوه غبرګوني ماشومان زېږولي، خو ماشومان د خېټې په برخه کې یو له بل سره نښتي دي.
روسیې وړاندیز کړی چې که اوکرایني پوځیان د یکشنبې تر ورځې د ماریوپول په بندري ښار کې خپلې وسلې پر ځمکه کېږدي، دوی به یې ژوند وروبښي او هېڅ زیان به ورته ونه رسوي.
په ملګرو ملتونو کې د افغانستان دایمي استازولۍ په یوې خپره کړې خبرپاڼه کې ویلي، د پاکستان هوايي بریدونه چې د ښځو او ماشومان په ګډون پهکې ۴۰ کسان ووژل شول، د نړیوالو قوانینو، د ملګرو ملتونو د منشور اصولو او د امنیت شورا او عمومي اسمبلۍ له پرېکړهلیکونو څخه ښکاره سرغړونه ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
