د راپورونو له مخې، ټاکل شوې وه د پاکستان د ملي امنیت شورا سلاکار په مشرۍ یو پلاوی نن کابل ته راشي، خو د نامعلومو دلایلو له مخې دغه سفر ونه شو. دا په داسې حال کې ده چې افغانستان ته د پاکستاني پلاوي د راتګ په غبرګون کې نن د کابل هوایي ډګر ته څېرمه لاریون هم پلان شوی و.
« زمونږ په کورنۍ کې دوه تنه سخت ټپي دي چې اوسمهال په روغتون کې دي، مېرمن مې هم ټپي شوې. دا د محمد امین د خبرو یوه برخه ده چې د بادغیس د قادس ولسوالي «لنګر» سیمې څخه د ولسوالۍ مرکز ته د خپلې کورنۍ ۳ غړي د درملنې لپاره راوستي.
د لغمان سیمهییزې سرچینې وایي، چې دا پېښه پرون شپه ناوخته د دغه ولايت د قرغیو ولسوالي په پتور ګمبه کلي کې رامنځته شوې چې ټول د یوې کورنۍ غړي دي.
طبیعي پېښو ته د رسېدنې په چارو کې د دولت وزارت یاد خطر ته د اندېښنې په څرګندولو سره وایي، هر کال له دې اړخه په سلګونو خلکو ته د سر او مال زیان اوړي.
د اسلامکلا ـ هرات لویې لارې یوشمېر موټرچلوونکي چې ایران ته تګ راتګ کوي وايي، له پولې هاخوا د ایران پارکینګونو کې هېڅ موټرچلوونکي د امنیت احساس نهکوي او د اخاذیو ترڅنګ یې وسایل هم د ایرانیانو لهخوا غلا کېږي.
د پکتيا مرکز ګردیز ښار کې د کتاب پلورنځيو مسوولان وايي چې د تېر په پرتله يې د کتابونو پېر او پلور ۸۵سلنه راکم شوی دی. دوی زیاتوي چې هېواد کې د سياسي بدلون سره د کتاب پېرودونکي کم شوي او په بازارونو کې د کتابونو د خرڅلاو بازار سوړ شوی دی.
د ملګرو ملتونو د بشر حقونو د کارپوهانو یوې ډلې ویلي چې د اسلامي امارت مشران د ښځو او نجونو پر وړاندې په پراخه توګه د تاوتریخوالي او جنسیتي تبعیض د بنسټیزهکېدو هڅې پیل کړي دي. دوی په ټولنه کې د ښځو د فعالیت او حضور په اړه د سختو محدودیتونو لګول«په ټولییزه توګه ښځو او نجونو ته د سزا» ورکولو په معني بولي.
د اسلامي امارت چارسمبالې کابینې نن د ملا محمدحسن اخند په مشري په خپله غونډه کې د کورنیو چارو وزارت اړوند د پولیسو لپاره د ځانګړي یونیفورم طرحه له لږ بدلون سره تصویب کړه.
د بیان ازادۍ کور د یوې خبرپاڼې په خپرولو سره ویلي چې د اسلامي امارت په واکمنېدو سره رسنۍ په جدي توګه زیانمنې شوي او له ګڼو محدودیتونو سره مخ شوي دي. د دغه بنسټ په خبرپاڼه کې راغلي چې د افغانستان رسنۍ په بشپړه توګه خپلواکي نه لري او په سیستماتیک ډول تر سانسور لاندې دي.
سوړ ژمی، بېوزلي او وزګارتیا، د سوند توکو د بیو لوړېدل او د خلکو بد اقتصادي وضعیت، هغه ستونزې او اندېښنې دي چې کابل ښاریان ورسره مخ دي. سلیمان د یوې مړۍ ډوډۍ پیدا کولو لپاره له سهاره تر ماښامه د کابل ښار پر سړکونو لاسونو کې کاغذ پلوري.
د بادغیس د اطلاتو او فرهنګ ریاست مسوولانو ویلي چې پرون د دغه ولایت په مرکز او ولسوالیو کې د زورورې زلزلې له امله ځینې کورونه ویجاړ شوي چې په پایله کې یې د ښځو او ماشومانو په ګډون یوشمېر کسان تر خاورو لاندې شوي او مړه شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
