اوتگن کون امر بالمعروف و نهی عن‌المنکر وزیرلیگی عیاللر حجابی حقیده ینگی بیر بویروغ صادر قیلدی. مذکور بویروغ اساسیده، بوندن بویان عیاللر حجاب نی مراعات قیلیش‌لری کیره‌ک و حجاب نی مراعات قیلمه‌گنلری صورت‌ده، اولر نینگ عایله‌لریده‌گی ایرککلر جزالنتیره‌لدی.
مذکور بویروغ‌ده «چادری و قاره حجاب» حجاب نمونه‌لریدن دیلگن و عیاللر نینگ نیازلری بولمه‌گن صورت‌ده اویلریدن چیقمه‌یشلری خصوصیده تاکید بولگن. عین حالده، عیال ایشلاوچیلر دولتی نهادلرده حجاب نی رعایت قیلمه‌گنلری صورت‌ده، ایشدن بوشه‌تیلیش‌لری ممکن.
اسلامی امارت نینگ مذکور بویروغی ایچکی و خلق‌ارا عکس‌العمل‌لر بیلن روپه‌رو بولگن. افغانستان انسانی حقوقی وضعیتی بوییچه بیرلشگن ملت‌لر تشکیلاتی خاص گزارشگری ریچارد بنیب نینگ ایتیشیچه، اسلامی امارت اوشبو بویروغ بیلن عیاللر نینگ تعلیمی، ایش و عمومی حیاتی زمینه‌سیده چیکلاو یره‌تیش بیلن، اولر نینگ انسانی حقلری نی آدیم آدیم یوق ایتماقده دیر.
بیزلرنینگ فیسبوک صحیفه‌میزگه باش اورینگ!
اونینگ توییتر صحیفه‌سیده یازیشیچه، خلق‌ارا جماعه نینگ اقدام قیلیش زمانی ییتیب کیلگن.
شونینگدیک بیرلشگن ملت‌لر تشکیلاتی نینگ باش‌کاتبی آنتونیو گوترش، اسلامی امارت نینگ اوشبو قراری خصوصیده خواطر بیلدیریب و اسلامی امارت‌دن عیاللر و قیزلر گه بیرگن سوزلری و شونینگدیک خلق‌ارا و انسانی حقوق اساسیده‌گی سوزلری گه عمل قیلیش‌لری نی سوره‌گن.
انسانی حقوق کوزه‌تووچیسی نینگ عیاللر بولیمی مدیر اورین‌باسری هیدر بار، شونینگدیک اوشبو بویروغ گه قرشی عکس‌العمل کورستگن. اونینگ ایتیشیچه، اوشبو بویروغ‌دن مقصد، عیاللر و قیزلر نینگ عمومی حیات‌دن حذف قیلیش دیر.
انسانی حقوق کوزه‌تووچیسی نینگ عیاللر بولیمی مدیر اورین‌باسری نینگ اورغولشیچه، اوشبو اقدام‌لر گه دنیا نینگ جوابی، دنیا بوییچه عیاللر حقوقی گه تأثیری بار.
بیزلرنینگ توییترده هم تعقیب قیلینگ!
شونده‌ی بیرحالده، افغانستان عیاللر اوچون آمریکا خاص نماینده‌سی رینا امیری نینگ توییتر صحیفه‌سیده یازیشیچه، اسلامی امارت اقتصادی بحران نی حل قیلیش و همه شمول حکومت ایجاد قیلیش اورنیده، عیاللر و قیزلر نینگ سرکوب قیلیش سیاست‌لری گه دوام بیرماقده.
اروپا بیرلشمه ایلچیسی نینگ اورغولشیچه، اسلامی امارت نینگ اقدام‌لری خلق‌ارا و بیرلشگن ملت‌لر تشکیلاتی حمایتچیلری نینگ بیگانه قیلیش گه سبب بوله‌دی.
شونینگدیک بوندن آلدین، اسلامی امارت نینگ عیاللر گه قرشی وضع قیلگن چیکلاولری، دنیا جماعه نینگ عکس‌العمل‌لری گه سبب بولگن. عیاللر نینگ اساسی حقلری نی تامین‌لش، اسلامی امارت نی رسمیت گه تانیلیشی اوچون خلق‌ارا جماعه نینگ اساسی ایسته‌کلریدن دیر.
