عایله‌لری‌نینگ احتیاج‌لرینی تأمینلش مسئولیتینی زمه‌سیگه آلگن ایریم یاشلر بو مسئولیت اولرنی تعلیم آلیش امکانیت‌لریدن، اوزلری یاقتیرگن کسب‌ده ایشلشدن و یاشلیک دوری‌نینگ لذت‌لریدن محروم قیلگنینی ایته‌دیلر.
سلام‌وطندارنینگ ۲۲ نفر اوغلی اویلنگن آنه بیلن اوتکزگن صحبت‌لری نتیجه‌لریگه کوره، اولردن ۱۵ نفری اوغیللرینی اویلنگنیدن سونگ فرزندلری‌نینگ اعتباری، مهر-محبتی و غمخورلیگی کمه‌یگنیدن شکایت قیلگن. بو آنه‌لر فرزندلری بیلن اوچره‌شولر و حال-احوال سوره‌شلری کمه‌یگنیدن تارتیب، مادی یاردم بیریشلری کمه‌یگنی همده عایله‌وی مناسبت‌لرنینگ اوزگریشیگچه بولگن حالتلر حقیده سوزلب بیریشگن.
سلام‌وطندار، یاشلرنینگ مالیه‌وی ریجه‌لری حقیده اوتکزگن تدقیقاتی‌ده ۱۲ ولایتده وظیفه‌سی بولگن ۲۹ نفر یاش جمله‌دن ۱۳ نفر قیز و ۱۶ نفر ییگیت بیلن صحبت قیلگن. یاشلرنینگ ۱۴ نفری جمله‌دن ۱۰ نفر قیز و تورت نفر ییگیت اقتصادی فعالیت همده کیچیک تجارت‌لر گه سرمایه کیریتگن. قالگن ۱۵ نفری جمله‌دن اوچ نفر قیز و ۱۲ نفر ییگیت ایسه هیچ بیر ساحه گه سرمایه کیریتمه‌گن.
کیره‌ک‌سیز خریدلر و خرید قیلیش پیتیده بیر لحظه‌لیک قرارلر انسانلرنینگ شخصی بودجه‌سیگه همده عایله‌لرنینگ مالیه‌وی احوالیگه تأثیر کورسه‌تیشی ممکن. بونده‌ی خطی-حرکت ایریم عایله‌لرنینگ کونده‌لیک حیاتیده اوچره‌یدیگن حالتلردن بیری دیر.
سلام‌وطندارنینگ افغانستان ۹ ولایتیدن ۱۰ عایله بیلن صحبت نتیجه‌سی شونی کورسته‌دی کی اولرنینگ عایله اعضالری سونگی ایکی ییل دوامیده ایران و تورکیه گه ناقانونی یوللر بیلن باریش پیتیده جان بیرگنلر. بو عایله‌لرنینگ ایتیشیچه، ایش‌سیزلیک و اقتصادی قیینچیلیک‌لر سببلی کوپینچه یاشلر مهاجرت یولینی تنلب و عایله‌لرینی عاطفی و اقتصادی قیینچیلیک‌لر بیلن روپه‌ره قیلگن.
اونشتیرونینگ بیکار قیلینیشی ایریم قیزلر اوچون شونچه کی بیر مناسبت‌نینگ یکونلنیشی بیلن چیکلنمه‌یدی؛ بلکی بو عایله‌وی باسیم، جمعیت‌نینگ تورلی قضاوت‌لری و قیته تورموش قوریش باره‌سیده خواطرلرنینگ باشلنیشیگه سبب بولیشی ممکن.
اوشبو گزارش‌ده ۲۰ یاشدن ۳۵ یاشگچه بولگن ۱۸ نفر یاش، جمله‌دن ۱۰ نفر عیال و سکیز نفر ایرکک بیلن صحبت اوتکزیلگن. اولرنینگ ۱۰ نفری بکلوریا درجه‌سیگه ایگه، سکیز نفری ایسه ۱۲-صنف‌نی تمامله‌گن. بو شخص‌لرنینگ بیر ییلدن ۱۰ ییلگچه بانک حساب‌لری بولسه-ده، بیراق اولر پول‌لرینی پس‌انداز قیلیشمه‌یدی.
قوللب-قوتلاوچی تشکیلات‌لرنینگ یاردمی طفیلی افغانستان گه قیتگن ایریم عیاللر ایش‌سیزلیک و اقتصادی قیینیچلیک‌لرنی باشدن کیچیرگنلریدن سونگ، اوز کونیکمه(مهارت)لریدن فایده‌لنیب، کیچیک تجارت‌لرنی یولگه قوییش امکانیگه ایگه بولگنلر.
یشش جای یقینیده سپورت جای‌لری‌نینگ یوقلیگی، یوقاری خره‌جت‌لر و سپورت امکانیت‌لریدن آز فایده‌لنیش، کوپلب یاشلر اوچون سپورت بیلن شغللنیش‌نی قیین‌لشتیرگن. شونگه قره‌می، یاشلر همان سپورت قیلیش گه دوام بیرماقده. ایریم یاشلر اوزاق‌راق‌ده‌گی سپورت کلوب‌لریگه باره‌دی، بعضی‌لری اوی‌ده مشق قیله‌دی، باشقه‌لری ایسه بار امکانیت‌لردن فایده‌لنیب، سپورت بیلن شغللنیش‌ده دوام بیرماقده.
افغانستان ساغلیق‌نی سقلش وزیرلیگی، چیگره بیلمس شفاکارلر تشکیلاتی و بیرلشگن ملتلر تشکیلاتی جمعیت صندیغی‌دن آلینگن معلومات‌لر، شونینگدیک ۱۱ ولایتده سکیز نفر نسایی-ولادی شفاکار و ۱۷ نفر عیال بیلن اوتکزیلگن صحبت‌لر شونی کورسته‌دی کی، افغانستان‌ده چقه‌لاق‌لر اولیمی‌نینگ اکثریتی آلدینی آلیش ممکن بولگن عامللر سبب یوز بیره‌دی.
اونیتیلمه‌گن اوتمیش و حلی ییتیب کیلمه‌گن کیله‌جک ایریم یاشلر اوچون تشویش گه ایلنیب، اولرنی حاضرگی لحظه‌ده یشش‌دن اوزاقلشتیرگن. سلام‌وطندار، کابل و افغانستان‌نینگ ایریم ولایت‌لریدن ۲۰ نفر یاش بیلن اوتکزگن صحبت‌لری شونی کورسته‌دی کی، خاطره‌لر، ارمانلر و اولگی تجربه‌لر، کیله‌جکده نیمه‌لر بولیشیدن خواطر بیلن بیرگه، اولرنینگ آنگینی همان چلغتیب کیلماقده.
عایله، اقتصادی احوال، امکانیت‌لردن فایده‌لنیش، یاش و عیاللر همده قیزلرنینگ خبردارلیک درجه‌سی – بولرنینگ برچه‌سی اولرنینگ کیله‌جککه بولگن قره‌ش‌لرینی شکللنتیریش‌ده مهم رول اوینه‌یدی.
۳۳ نفر یاش بیلن اوتکزیلگن صحبت نتیجه‌سی شونی کورسته‌دی کی، اولر عالی تعلیم‌نی عادت‌ده‌گی یاشدن ۴ و ۱۴ ییل فاصله یا کی وقفه بیلن باشله‌گن. شرایط قیته یره‌تیلگچ، بو یاشلر عالی اوقیش‌لریگه ینه دوام بیرگن. اولرنینگ ایتیشیچه، بیلیم یورت گه اوز وقتیده کیره آلمه‌گنلری‌نینگ اینگ مهم سببی اقتصادی معمالر بولگن.
افغانستان‌نینگ ۹ ولایتیده ۲۴ نفر عیال‌نینگ ایتیشیچه، ایش بازاریگه کیریب باریش اولرنینگ عایله‌لری اقتصادی احوالینی یخشیله‌گن و عایله‌لریگه بولگن قره‌ملیگینی کمه‌یتیرگن. بیراق درآمدلری‌نینگ پست‌لیگی، مناسب بازارنینگ یوقلیگی، تجربه و امکانیت‌لرنینگ آزلیگی هنوزگچه اولرنینگ مالیه‌وی مستقل‌لیککه ایریشیش یولیده‌گی اساسی معمالردن بولگن.
سونگی ییللرده آنلاین اویین‌لر افغانستان‌ده‌گی یاشلرنینگ سیوملی مشغولات‌لریدن بیریگه ایلنگن. هوشمند تلفون‌لر و اینترنت‌دن فایده‌لنیش امکانیت‌لری‌نینگ کوپه‌یشی بیلن بو مشغولات کوپلب یاشلر اوچون جسمانی اویین‌لر و سپورت بیلن شغللنیش‌نینگ اورنینی ایگلله‌گن.
سلام‌وطندار بیلن صحبت قیلگن ایریم عیاللر، اوی‌ده و طبیات مرکزلریده توغروق پیتیده دوچ کیلگن قیینچلیک‌لریدن شکایت قیلیشگن. اوشبو گزارش‌ده سونگی بیر ییل ایچیده اوی‌ده یا کی شفاخانه‌ده توغروق تجربه‌سینی باشدن کیچیرگن ۲۰ یاشدن ۴۸ یاشگچه بولگن سکیز ولایت‌دن ۱۰ نفر عیال بیلن صحبت قیلینگن.
