اسلام امیرلیگی مدافعه وزیرلیگی، نورستان ولایتی کامدیش تومنیده امنیتی و مدافعه کوچلرنینگ عملیاتی یکونلنگنیدن خبر بیردی. اوشبو وزیرلیک‌نینگ ایتیشیچه، بو عملیات پاکستان همکارلیگی بیلن دیورند چیزیغی آرقه‌لی افغانستان گه کیرگن عصیانچی گروه‌لر گه قرشی اوتکزیلگن.
مراکش پادشاه‌سی محمد ششم، فاطمه زهراء المنصوری‌نی بو مملکت باش وزیری لوازمی گه تعیینله‌گن.
ننگرهار امنیه قوماندانلیگی سوزلاووچیسی سیدطیب حمادنینگ ایتیشیچه، اوشبو ولایت‌ده اوتگن اوروش‌لردن قالگن بیر اوق نینگ پارتلشی عاقبتیده اوچ باله جان بیرگن و ینه بیر باله هم یرلنگن.
ایران جمهوری باشلیغی مسعود پزشکیان، امریکا و اسرائیل اوشبو مملکت‌نی حربی یول آرقه‌لی مغلوب قیله آلمه‌گنیدن ناامید بولگچ، ایران‌ده ایچکی نزاع‌لرنی کیلتیریب چیقریشگه قره‌تیلگن استراتیژینی عملگه آشیریش گه اورینماقده دییدی.
مذکور اداره، بوگون (۸ میزان/۳۰ سپتمبر، چهارشنبه) ایکس اجتماعی ترماغیده بیر بیانیه ترقه‌تیب، اوشبو اوچره‌شووده تامانلر، تاجیکستان‌دن افغانستان گه آلیب کیلینگن برق حجمی کوپه‌یتیریلیشی همده بو ایکی مملکت اورته‌سیده‌گی همکارلیک‌لر کینگه‌یتیریلیشی حقیده بحث ایتگنلرینی یازگن.
بوتون جهان یوره‌ک کونی بیلن، ایریم یشاوچیلرنینگ ایتیشیچه، یوره‌ک کسللیک‌لرینی دوالش خره‌جت‌لری‌نینگ یوقاریلیگی بیمارلرنینگ دوالنیش‌نی قیینچیلیک بیلن دوچ قیلگن.
اسلام امیرلیگی صناعت و سودا وزیرلیگی، اوشبو وزیرلیک وزیری نورالدین عزیزی، یوقاری مرتبه‌لی بیر هیئت باشچیلیگیده رسمی تشریف بیلن بلاروس گه جونب کیتگنینی معلوم قیلدی. اوشبو وزیرلیک، بوگون (۷ میزان/۲۹ سپتمبر، سه‌شنبه) بیر بیانیه ترقه‌تیب، نورالدین عزیزی بلاروس خلق‌ارا صناعت ایکینچی کورگزمه‌سیگه اشتراک ایتیش همده بو ایکی مملکت اورته‌سیده اقتصادی و سودا همکارلیک‌لرنی کینگه‌یتیریش مقصدیده بلاروس گه جونب کیتگنینی ایتگن.
هرات ییللر دوامیده ۱۲۰ کونلیک شماللر و چنگ-توزان‌لر یوز بیریشی گواهی بولیب کیلگن، بو شماللر سیستان حوزه‌سی و افغانستان غربی‌نینگ طبیعی اقلیم حادثه‌لریدن بیری بولیب، بهارنینگ آخریدن یاز و کوزنینگ باش‌لریگچه اوشبو منطقه‌ده ایسه‌دی. اما معما فقط شمال‌نینگ اوزی‌ده ایمس، ییر قوریب، ییر آستی سوولری سطحی پسه‌یگنده و اوسیملیک قاپلمی یوقالگنده، دریالرنینگ سووی کمه‌یشی و تشلب کیتیلگن ییرلر کوپراق چنگ-توزان آستیده قاله‌دی.
فاریاب ولایتی شیرین تگاب تومنی‌نینگ «شور دریا» منطقه‌سیده جایلشگن خواجه عبدالملک اوغلی «آته‌خوان خواجه» یا کی «خواجه آتا» مقبرهسینینگ تعیرلش ایشلری باشلنگن.
توکوموف، بوگون (۶ میزان/۲۸ سپتمبر، دوشنبه) هرات‌ده بولیب اوتگن تدبیرده، افغانستان و قزاقستان اورته‌سیده‌گی سودا آلیش-بیریش‌نی آشیریش اوچون ترانسپورت و ترانزیت ظرفیتینی کینگه‌یتیریش، تیمیر یول لایحه‌لری همده لجستیک مرکزلرینی تشکیل ایتیش ضرورلیگینی تأکیدله‌گن.
اسلام امیرلیگی ساغلیق‌نی سقلش وزیری مولوی نور جلال جلالی، یوقاری مرتبه‌لی هیئت باشچیلیگیده بلاروس گه جونب کیتدی.
پنجشیر ولایتی ایکینچیلیک، سووغاریش و چارواچیلیک ریاستی گه کوره، اوشبو قویاش ییلده بو ولایت‌نینگ ۵۳۴ هکتار ییری آلمه باغ‌لری و ۲۱۶ هکتار ییری ایسه یانغاق باغ‌لری اوچون اجره‌تیلگن.
کاپیسا ولایتیده ایریم یاش‌لر پارک‌لر و یشیل حدودلرده چیقیندیلر توپلنیب قاله‌یاتگنیدن شکایت قیلیب، چیقیندی قوتی‌لرنینگ آزلیگی همده ایریم یشاوچیلرنینگ تازه‌لیک‌نی سقلش گه اعتبارسیزلیگی سببلی اوشبو حدودلر افلاسلنه‌یاتگنینی ایته‌دیلر.
بلخ ولایتی سودا و سرمایه کیریتیش اتاقی مسئوللری، مزارشریف شهری‌ده بو ولایت همده اوزبیکستان تدبیرکارلری اورته‌سیده سودا ییغیلیشی اوتکزیلگنیدن خبر بیردیلر. بلخ ولایتی سودا و سرمایه کیریتیش اتاقی باشلیغی محمدابراهیم غضنفرنینگ ایتیشیچه، اوشبو یغیلیش افغانستان و اوزبیکستان اورته‌سیده سودا آلیش-بیریش حجمینی آشیریش مقصدیده، ۵ میزان/۲۷ سپتمبر، یک‌شنبه کونی بلخ‌ده اوتکزیلگن.
ایران تشقی ایشلر وزیری سیدعباس عراقچی، اوشبو مملکت‌نینگ صلح مذاکره‌‌لری اوچون ریجه‌سی امریکا تامانیدن رد ایتیلگچ، ایران بو مملکت بیلن اوروش‌نی قیته باشلش گه تیارلیگینی بیلدیرگن.
افغانستان‌ده تحصیل قیلگن ایریم یاش‌لرنینگ ایتیشیچه، ییللر دوامیده تعلیم کوریب و کونیکمه‌لرنی اورگنگن بولسه-لرده، رشته‌لریگه ماس ایش اورین‌لری بولمه‌ی و خره‌جت‌لریگه نسبتن درآمدلری آزلیگیدن شکایت قیله‌دیلر. اولرگه کوره، رشته‌لریگه ضد و آز درآمدی بولگن اورین‌لر گه ایشلش گه مجبور بولگنلر.
