یخشی‌راق ایش و تعلیم امکانیتلریگه ایگه بولیش مقصدیده بیر قطار یاشلر اوزلری یشب کیلگن ولایتلردن باشقه ولایتلر گه کوچیب کیتیشگن؛ بیراق اولرنینگ ایتیشیچه، کوچیب اوتگنلریدن کیین هم یوقاری یشش خره‌جتلری، مناسب ایش تاپیشده‌گی قیینچیلیکلر و تعلیم‌نی دوام ایتتیریش یولیده‌گی توسیقلر کبی معمالر گه دوچ کیلیشگن. اوشبو قیینچیلیکلر سببلی، آره‌دن بیر نیچه ییل اوتگن بولسه-ده، اولر هنوزگچه کوچیب کیتیشدن کوزله‌گن مقصدلریگه ایریشه آلیشمه‌گن.
اندخوی-میمنه ۱۱۰ کیلوولت برق اوزه‌تیش لینینی ینگی‌لش لایحه‌سی یکونلنیب و رسمی شکلده فایده‌لنیشگه تاپشیریلدی. اسلام امیرلیگی باش وزیری‌نینگ اقتصادی اورین باسرلیگی، بوگون (۲۳ عقرب/۱۴ نومبر، شنبه) ایکس صحیفه‌سیده بیر بیانیه ترقه‌تیب، اوشبو لایحه اقتصادی اورین باسری ملا عبدالغنی برادر اشتراکی بیلن فایده‌لنیشگه تاپشیریلگنینی معلوم قیلگن.
آریانا افغان هوا یولی کمپنیه‌سی، قویاش ۱۴۰۵-ییل، بیرینچی قوس‌دن باشلب، قندهار و دبی اورته‌سیده توغریدن-توغری اوچیشلر باشلنیشینی معلوم قیلدی.
اسلام امیرلیگی قدرت‌نی آلگنیدن بویان منطقه‌وی همکارلیکنی کینگه‌یتیریش و مستحکم‌لشگه دایما اینتیلیب کیلگن؛ ایندی منطقه مملکتلری بیلن توزیلگن کیلیشوولر آلغه آلیب باریله‌یاتگنی و عملی ایشلرینی باشلشگه صادق ایکنلیگینی معلوم قیله‌دی.
روسیه باش وزیری اورین باسری الکسی اوورچوک باشچیلیگیده اوشبو مملکت‌نینگ یوقاری مرتبه‌لی هیئتی کابل گه تشریف بویروشی بیلن، افغانستان خصوصی سکتوری و روسیه اورته‌سیده تورلی ساحه‌لرده ۱۰۳ میلیون دالرلیک ۱۵ ته شرطنامه امضالندی.
ایریم عیاللر تورلی خیل ساغلیق معمالرینی جمله‌دن حُسن‌بوزر، تیری‌نینگ حددن تشقری یاغلنیشی، موشَک آغریقلری، بیل آغریغی و جسمانی چرچاق‌نی برطرف ایتیش مقصدیده حجامت قیلیشگه مراجعت قیله‌دیلر. بو عنعنوی دوالش اصولی بوگونگی کونده هم ایریم انسانلر آره‌سیده اوز اهمیتینی سقلب کیلماقده.
افغانستان سودا و سرمایه کیریتیش اتاقی، بامیان کچالوسی بیرینچی مرته اوزبیکستان گه صادر قیلینیشی باشلنگنیدن خبر بیردی. اوشبو اداره، بوگون (۲۱ عقرب/۱۲ نومبر، پنج‌شنبه) ایکس صحیفه‌سیده، بامیان ولایتیدن یوکلنگن کچالو موترلری، بیرینچی مرته بولیب حیرتان بندری آرقه‌لی اوزبیکستان‌نینگ ترمذ شهری تامان یوللنگنینی معلوم قیلگن.
جوزجان ولایتی‌نینگ «زیرچنار» قیشلاغیده ایریم عیاللر اوچون ایسیقخانه‌لرده بادرینگ (بادرنگ) ییتیشتیریش شونچه کی زراعت محصولاتینی پرورش قیلیش ایمس، بلکی محنت قیلیش، درآمد تاپیش و عایله‌وی خره‌جتلرنی قاپلش گه حصه قوشیش امکانیتی ایدی، بیراق قوروقچیلیک و سوو تنقیص‌لیگی بو فعالیت‌نی توخته‌تیب قویگن. نتیجه‌ده بادرینگ ییتیشتیریش و ساتیش آرقه‌لی درآمد تاپیب کیلگن عیاللر اوز تیریکچیلیک منبعی‌دن محروم بولگن.
آریانا افغان هوا یولی کمپنیه‌سی، مزارشریف و استانبول اورته‌سیده توغریدن-توغری اوچیشلرینی باشلشیدن خبر بیردی.
اداره امور عمومی باشلیغی شیخ نورالحق انور گه کوره، افغانستان‌ده اسلام امیرلیگی قدرت‌نی آلگنیدن بیری دارو قاچاق ایتیلیشی آلدی آلینگن. انور جنابلری، بوگون (۲۰ عقرب/۱۱ نومبر، چهارشنبه) افغانستان‌نینگ ایکینچی خلق‌ارا ساغلیق‌نی سقلش کورگزمه‌سیده ایتیشیچه، اسلام امیرلیگی قدرت‌نی آلگنیدن سونگ مملکت‌ده ساغلیق‌نی سقلش ساحه‌سیده سیزیلری یوتوقلر گه ایریشیلگن.
کابل شهریده تورت نفر یاش تدبیرکار بیر میلیون افغانی سرمایه بیلن «همرا» خذمتلر اپلیکیشن‌نی ایشگه توشیرگن؛ یشاوچیلرنینگ کونده‌لیک خذمتلردن فایده‌لنیشینی آسانلشتیریش مقصدیده یره‌تیلگن اوشبو «ایلاوه» (نرم‌افزار) آنلاین تکسی، طعام بویورتمه قیلیش، محصولات ساتیب آلیش، شفاکاردن نوبت آلیش، مهمانخانه‌نی بوک قیلیش و آنلاین تولاو کبی ۱۲ تورده‌گی خذمت‌نی یگانه پلتفرمه‌ده بیرلشتیرگن.
وزیرلیک، بوگون (۲۰ عقرب/۱۱ نومبر، چهارشنبه) بیر بیانیه ترقه‌تیب، روسیه هیئتی کابل و مسکو اورته‌سیده‌گی اقتصادی و سودا همکارلیکلرنی کینگه‌یتیریش، سرمایه کیریتیش فرصت‌لرینی تیکشیریش و اقتصادی قوشمه لایحه‌لر باره‌سیده بحث ایتیش اوچون کابل گه کیلیشینی بیلدیرگن.
اسلام امیرلیگی کانلر و پترولیم وزیرلیگی، افغانستان «توز» ایشلب چیقریشده اوزینی-اوزی تأمینلش درجهسیگه ییتگنینی و حاضرده ایچکی ایشلب چیقریش مملکت بازارینینگ احتیاجینی قاندیرهیاتگنینی معلوم قیلدی.
۱۸ یاشگچه بولگن افغانستان فوتسال ملی تیرمه جماعهسی، ۲۰۲۶-ییلگی داکار یاشلر المپیک مسابقهلرینینگ یریم فینال باسقیچیده، پرتگال گه بای بیردی.
فاریاب ولایتی‌نینگ تورلی حدودلریده ایریم چاروادارلرنینگ ایتیشیچه، یاغینگرچیلیکنینگ کمهیشی و ییلاولرنینگ قوریب قالیشی چاروا ماللرینی باقیش اوچون ایریم قیینیچیلیک بیلن دوچ بولگنلر.
اسلام امیرلیگی ایکینچیلیک وزیرلیگی هیئتی اوزبیکستان گه قیلگن سفری دایرهسیده اوشبو مملکت‌ده محصولات ایشلب چیقرووچی مرکزلرنی یقیندن باریب کورگن.
