۱۴۰۲-تعلیمی ییل باشلنیشی و قیزلر یوزیگه مکتب‌لر و بیلیم یورت‌لر یاپیق قالیشی بیلن، کابل شهری‌ده ییگیت‌لردن قطاری، یول بویی کورگزمه یولگه قویش بیلن، ناامید بولگن قیزلر، عیاللر و ییگیت‌لر نینگ فکرلری نی مطالعه بیلن سرگرم قیلیش اوچون سعی و حرکت قیله‌دیلر.
اروپا مدیترانه زلزله‌نی تیکشیریش مرکزی گه کوره، سه‌شنبه کیچه، ۱ حمل، ۶.۶ درجه ریشترلیک زلزله، افغانستان نینگ تورلی ولایت‌لری و قوشنی بیر قطار مملکت‌لرنی قیمیردتگن. ساغلیق‌نی سقلش وزیرلیگی نینگ ایتیشیچه، اوتگن کیچه مملکت نینگ سکیزدن آرتیق ولایتیده یوز بیرگن زلزله ده، تورت کیشی هلاک بولیب و باشقه ۷۰ دن آرتیق…
فاریاب مرکزی میمنه شهری‌ده‌گی منبع‌لر نینگ سلام‌وطندار گه ایتیشلریچه، اوشبو ولایت‌ده ناتانیش قوراللی کیشی‌لر ایکی یاش ییگیت نی اولدیرگنلر. اولدیریلگن یاش ییگیت‌لردن بیری اسلام امیرلیگی نینگ عضوی ایکن.
فاریاب مرکزی میمنه شهری ده‌گی منبع‌لر نینگ سلام‌وطندار گه ایتیشلریچه، اوشبو ولایت ده نورمحمد بیدکی اسملی بیر مسجد نینگ خطیبی، نامعلوم قوراللی کیشی‌لر تامانیدن اولدیریلگن.
دایکندی محلی منبع‌لری نینگ سلام‌وطندار گه ایتیشلریچه، اوتگن کون عصر چاغی (سه‌شنبه کونی ۱-حمل)، اوشبو ولایت شهرستان تومنی نینگ «تگابور» قیشلاغیده یاش بیر قیز قرس بیلن اوزی نی آسیب حیاتی گه نقطه قویگن.
تخار ولایتی کسلخانه آمری حیات‌الله امامی نینگ ایتیشیچه، سه‌شنبه کیچه، ۱ حمل، یوز بیرگن زلزله عاقبتیده حاضرگچه بیر کیشی اولیب و باشقه بیش یره‌دار کیشی اوشبو کسلخانه گه انتقال بیریلگن و یره‌لنگنلردن اوچ‌ته‌سی تخار بیلیم یورتی طلبه‌لری دیر.
جوزجان امنیه قوماندان‌لیگی نینگ جنایی جرم‌لر ایشلری بوییچه کشف آمری شمس‌الله وثیق نینگ سلام‌وطندار گه ایتیشیچه، جوزجان مرکزی شبرغان شهری گه قره‌شلی «سالمزان افغانیه» قیشلاغی یشاوچیسی بولگن ۵۰ یاشلی «عبدالحنان» اسملی کیشی، قوراللی نامعلوم کیشی‌لر تامانیدن اوققه توتیلیب اولدیریلگن.
بوگون (سه‌شنبه، ۱ حمل)، کابل شهری دارالامان قصری ده، ملی رادیو_تلویزیون و تسل_مدیا گروپ همکارلیگی بیلن «خدمات برتر ملی» بیرینچی بهاری کورگزمه‌سی عنوانیده آچیلیب و
فاریاب کسلخانه‌سیده بیر عیال، تورت ایگیزک دنیا گه کیلتیرگن. خلیل‌الرحمان، مجیب‌الرحمان، حبیب‌الرحمان و فاطمه، ۱۴۰۲_ییل نینگ بیرینچی کونیده فاریاب مرکزی میمنه شهری کسلخانه‌سیده دنیا گه کیلگن تورت ایگیزک دیر.
افغانستان یشاوچیلریدن میلیون‌لرچه‌سی نینگ آمان قالیشی، دنیا جماعه نینگ انسان‌‌پرورلیک یاردم‌لری گه تیگیشلی بولگنی بیرحالده، خلق‌ارا آزیق-آوقات دستوری بیر اعلامیه ترقه‌تیب، بودجه کم‌لیگی سبب اپریل آیی‌ده افغانستان ده نیازمند‌لر گه یاردم ارایه‌سی‌‌نی کمه‌یتیرگن.
افغانی قیزیل آی جمعیتی نینگ اعلام قیلیشیچه، جاری هفته پنج‌شنبه کونی جدی شکلده کویگن یا-ده سویگی مکروبی بولگن ۸۰ باله نی درمان اوچون آلمان گه یوباره‌دی.
اروپا اتفاقی، افغانستان ده انسان حقلری نقض ایتیلیشی دوامی اوچون، اسلام امیرلیگی رسمی‌لری گه قرشی ینگی تحریم‌لر وضع ایتیلیشیدن خبر بیرگن. گرچند اروپا اتفاقی اوشبو تحریم‌لر حقیده ایضاح کیریتمه‌گن بولسه ده، بیراق افغانستان یشاوچیلری نینگ اقتصادی وضعیتی اوستیگه سلبی تأثیر قیلمسلیگیدن ایشانچ بیرگن.
افغانستان مرکزی بانکی گه کوره، افغانی پول نرخینی مملکت بازارلریده ثابت سقلش مقصدیده، چهارشنبه کونی ۲ حمل، ۱۵ میلیون امریکالیک دالرنی داوطلب‌لیک آرقه‌لی لیلام شکلده ساته‌دی. مذکور بانک، شرایط گه ماس بانک‌لر، پولی خدمت‌لر و صراف‌لیک شرکت‌لردن، اوشبو داوطلب‌لیککه اشتراک ایتیش‌لرینی طلب قیلگن.
اسلام امیرلیگی تشقی ایشلر وزیرلیگی سوزلاوچیسی نینگ اورین باسری ضیااحمد تکل، دوشنبه کونی، ۲۹ حوت اوز توییتری ده، پاکستان نینگ سند ایالتی قماقخانه‌لریدن عیاللر و باله‌لر شامل افغانستان‌لیک ۱۹۰ مهاجر قوییب یوباریلگنیدن خبر بیرگن.
افغانستان ده بیرلشگن ملت‌لر تشکیلاتی اورین باسرلیک هیئت دفتری (یوناما)، خلق‌ارا نجات کمیته‌سی، خلق‌ارا آزیق_آوقات دستوری، بیرلشگن ملت‌لر تشکیلاتی نینگ باله‌لردن حمایت قیلووچی صندیغی و اوشبو تشکیلات نینگ انسان پرورلیک یاردم‌لرنی هماهنگ قیلووچی دفتری (اوچا)، هردایم افغانستان نینگ انسانی بحران بیلن روپه‌ره بولیشیدن آگاه‌لنتیرگنلر.
۱۴۰۱_ییل ده منطقه اولکه‌لریدن قطاری، افغانستان نینگ دیپلوماتیک نماینده‌لیکلرینی اسلام امیرلیگی گه تاپیشرگن بولسه‌لرده، بیراق شو بیلن هم ایش بیلرمان‌لر نینگ ایشانچی گه کوره، افغانستان نینگ حاضرگی حکومتی دنیا جماعه‌چیلیگی تامانیدن رسمیت گه تانیلیش گه یقینلشمه‌گن.
