سپورت یاشلرنینگ جسمانی و عقلی رواجلنیشینینگ اینگ ثمرهلی واسطهلریدن بیری حسابلنهدی، بیراق کاپیسا ولایتیده ستندرد طلبلریگه جواب بیرهدیگن سپورت جایلرینینگ آزلیگی سببلی کوپلب یاشلر سپورت فعالیتلریگه داوم بیرمسلیککه آلیب کیلگن.
«حالوش» انسان حقلری تشکیلاتی، ایران سراوان تومنی «روتک» چیگره حدودیده ۱۷ افغانستانلیک مهاجر جملهدن عیاللر و بالهلر «سووسیزلیک» سبب وفات ایتگنینی معلوم قیلدی. اوشبو تشکیلات، ترقهتگن گزارشیده اولگنلر آرهسیده بغلان ولایتیدن بولگن بیر عایلهنینگ بیش اعضاسی بارلیگینی ایتگن.
بدخشان معارف ریاستی مسئوللرینینگ ایتیشیچه، بو ولایت یاوان تومنیده اورته مکتبنینگ قوریلیشی باشلنگن.
اسلام امیرلیگی تشقی ایشلر وزیری امیرخان متقی و قرغیزستان تشقی ایشلر وزیری کولوبایف، تلفونی علاقهده بو ایکی مملکت اورتهسیدهگی همکارلیکلر کینگهیتیریلیشی و مستحکملنیشی حقیده بحث ایتگنلر.
امارتی کمپنیهلر عمومی باشلیغی احمدجان بلال، نفت و گاز شرطنامهلرینی امضالش اوچون ایران گه سفر قیلگن.
۳۳ نفر یاش بیلن اوتکزیلگن صحبت نتیجهسی شونی کورستهدی کی، اولر عالی تعلیمنی عادتدهگی یاشدن ۴ و ۱۴ ییل فاصله یا کی وقفه بیلن باشلهگن. شرایط قیته یرهتیلگچ، بو یاشلر عالی اوقیشلریگه ینه دوام بیرگن. اولرنینگ ایتیشیچه، بیلیم یورت گه اوز وقتیده کیره آلمهگنلرینینگ اینگ مهم سببی اقتصادی معمالر بولگن.
اسلام امیرلیگی ساغلیقنی سقلش وزیرلیگی، افغانستانده «سرطان» کسللیگیگه چلینگنلر سانی حقیده ترقهلگن معلوماتلرنی «ناتوغری» دیب اتهگن.
دایکندی ولایتینینگ تاغلی حدودلریده، کوتیلمهگن ساووق طفیلی بادام گللرینینگ نابود بولیشی و کیتمه-کیت قوریقچیلیکلر فقط بیر ایکینیچلیک محصولاتینینگ یوق بولیشینی حکایه قیلمهیدی؛ بو سونگی چاروالرینی ساتیش، دکانلردن قرض آلیش و آوقتلنیشلرینی کمهیتیریش اورتهسیده تیریکچیلیک قیلهیاتگن عایلهلر دسترخوانینینگ قیسقریب بارهیاتگنی حقیدهگی اچیق حقیقت دیر.
بیرلشگن ملتلر تشکیلاتینینگ آزیق-آوقت و ایکینچیلیک دستوری، ینگیلشتیریشنی رواجلنتیریش، قیشلاق ساحهلرده ایش فرصتلرینی یرهتیش همده اقلیم اوزگریشلریگه چیدهملیراق ایکینچیلیک زنجیرلرینی شکللنتیریش گه قرهتیلگن ینگی ریجهنی ایشگه توشیرگنینی معلوم قیلگن.
افغانستاننینگ ۹ ولایتیده ۲۴ نفر عیالنینگ ایتیشیچه، ایش بازاریگه کیریب باریش اولرنینگ عایلهلری اقتصادی احوالینی یخشیلهگن و عایلهلریگه بولگن قرهملیگینی کمهیتیرگن. بیراق درآمدلرینینگ پستلیگی، مناسب بازارنینگ یوقلیگی، تجربه و امکانیتلرنینگ آزلیگی هنوزگچه اولرنینگ مالیهوی مستقللیککه ایریشیش یولیدهگی اساسی معمالردن بولگن.
قندوز و سمنگان محلی مسئوللری، ۲۱ سنبله/ ۱۲ سپتمبر، شنبه کونی اوشبو ولایتلرده علیحده یول حادثهلری عاقبتیده بیر کیشی اولیب و ۲۰ دن آرتیق کیشی یرهلنگنینی معلوم قیلگنلر.
ایکینچیلیک وزیرلیگی، بدخشان ولایتیده «عسل» (بال) ایشلب چیقریش ۱۰ فایز گه کوپهیگنینی معلوم قیلدی.
«اوزوم» قندوز ولایتینینگ زراعتی مهم محصوللریدن بیری بولیب، ولایت بازارلریدن تشقری قوشنی ولایتلرنینگ ایریملریگه هم یوباریلهدی. بیراق اونی سقلش اوچون امکانیت یوقلیگی و ییریک بازارلر گه چیقریش امکانیتینینگ آزلیگی، اوشبو محصولات ساتیشنی قیینلشتیرگن.
افغانستان بوکس ملی فدراسیونی، مملکت بوکسچیلری جماعهسی، کمربند و یول» یاشلرنینگ تورتینچی خلقارا فیستیوالیده اشتراک ایتیش اوچون چین گه جونب کیتگنینی معلوم قیلدی.
افغانستان اسلام امیرلیگی رهبری شیخ هبتالله آخندزاده، ۱۴۰۴ ییلده چیقرگن ۱۷- سانی فرمانیده توی، اونشتیریش، متاع مراسملری و حجدن قیتیش بیلن باغلیق نااورین عرف-عادتلر همده آرتیقچه خرهجتلر گه یول قویمسلیکنی تأکیدلب بوندهی حالتلرنی منع قیلگن.
بدخشان ولایتی شکی تومنیده تورت کون آلدین قطقطی آلتین کانی قولشی عاقبتیده اوچ کانچی قملیب قالگن ایدیلر.
