اسلام امیرلیگی ایکینچیلیک، سووغاریش و چارواچیلیک وزیری عطاءالله عمری ۱۳ کیشیلیک بیر هیئت باشچیلیگیده بلاروس گه جونب کیتدی. ایکینچیلیک وزیرلیگی، بوگون (۲۶ اسد/۱۷ آگست، دوشنبه) بیر بیانیه ترقهتیب، بو هیئت افغانستان و بلاروس اورتهسیده اقتصادی و سودا همکارلیکلر قوشمه کمیسیونینینگ ایکینچی ییغیلیشیده اشتراک ایتیش مقصدیده بلاروس گه جونب کیتگنینی بیلدیرگن.
ننگرهار ده دهقانلردن قطارینینگ ایتیشلریچه، سولری پمپلر سووغاریش قیینچیلیکلرینی کمهیتیرگن بیرحالده، بیراق منطقهلردن قطاریده سوو سطحی قویی کیتیب و بو مسئله کیلهجک اوچون خواطلرنی یرهتگن.
بلخ مرکزی مزارشریف شهریده ناگران کیشیلردن قطارینینگ ایتیشلریچه، تعلیمی امکانیت یوقلیگی و اقتصادی قیینچیلیکلر، اولرگه تحصیلگه دوام بیریشنی قیینلشتیریب و ایش اختریش پیتیده هم کوپینچه چیکلاولر بیلن روپهره بولهدیلر. اولرنینگ کوپهیتیریشلریچه، بعضا ایشگه آلینیش چاغیده قابلیت و مهارتلری اورنیگه ناگرانلیکلریگه اعتبار قرهتیلهدی.
بدخشان ولایتی بهارک تومنینینگ «دشتفراخ» منطقه یشاوچیلریدن قطاریگه کوره، ایچیملیک سووگه قول تاپه آلمهی، اریقچهلر بیلن دریالر سوویدن فایدهلنیشگه مجبورلر. اولرنینگ کوپهیتیریشیچه، ناپاک بولگن سوولردن فایدهلنیش بالهلرینی کسل قیلگن.
بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا)، گه کوره، جاری میلادی ییل باشلنگنیدن حاضرگچه، ۹۲ مینگ کیشی بو مملکتده طبیعی واقعهلر نتیجهسیده تاثیرلنگن.
«افغانستان پولیودن بوش نهادی» نینگ اعلام قیلیشیچه، پولیو گه قرشی ایملش کمپاینی ایرته بیش ولایتده باشلنهدی. اوشبو نهاد بوگون (۲۵-اسد، یکشنبه)، اکس صحیفهسیده، پولیو گه قرشی ایملش کمپاینی ننگرهار، کنرنینگ ییتی تومنی، کابلنینگ آلتی تومنی، هراتنینگ ایکی تومنی و فراهنینگ ایکی تومنیده باشلنیشینی یازگن. افغانستان پولیودن بوش نهادی، بوندن آلدین هم…
بدخشان امنیه قوماندانلیگی سوزلاوچیسی احسانالله کامگارنینگ ایتیشیچه، اوشبو ولایتده بیر کان قولشی عاقبتیده، بیر کانچی هلاک بولگن.
اسلام امیرلیگی افغانستانده حاکمیت تیپهسیگه کیلگنی بیش ییللیگی بیلن ایریم یاشلر ییترلی تعلیم و ایش امکانیتلری یوقلیگیدن خواطر بیلدیرماقده. سلاموطندارنینگ مملکت ۱۳ ولایتیده ۲۸ نفر یاش، جملهدن ۱۶ نفر قیز و ۱۲ نفر ییگیت بیلن اوتکزگن صحبتی شونی کورستهدی کی، اولر تعلیم، کسب-هنر اورگنیش و ایش امکانیتلریدن فایدهلنیش بارهسیده بعضی معمالر گه دوچ دیر.
بعضی قیزلر اوز بیلیملرینی اویده سینگیللری و ایناغهلری بیلن بولیشیب، وقتلرینینگ بیر قسمینی اولر گه تعلیم بیریشگه اجرهتگن. سلاموطندارنینگ مملکت سکیز ولایتیده ۲۱ نفر قیز بیلن اوتکزگن صحبتلری شونی کورستهدی کی، بیلیملرینی سقلب قالیش، اوقیشنی دوام ایتتیریش و عایله اعضالریگه یاردم بیریش بو قیزلرنینگ اویده تعلیم بیریشدهگی اساسی سببلردن دیر.
اسلام امیرلیگی تشقی ایشلر وزیری امیرخان متقی، بوگون (۲۴ اسد/۱۵ آگست، شنبه) اسلام امیرلیگینینگ حاکمیت تیپهسیگه کیلگنی بیش ییللیگی مناسبتی بیلن، دنیانینگ افغانستان گه سیاسی و اقتصادی باسیملری نتیجهسیز ایکنینی بیلدیردی.
اسلام امیرلیگی باش وزیرینینگ اداری اورین باسری مولوی عبدالسلام حنفی گه کوره، اسلام امیرلیگی اوتگن بیش ییل دوامیده اولکه بویلب خوفسیزلیکنی تأمینلب و تورلی ساحهلرده کتته یوتوقلر گه ایریشگن.
ایر-خاتین اجرهشگنیدن سونگ آته-آنهلرنینگ بالهلر بیلن مناسبتلرینی قندهی دوام ایتتیریشی مهم عایلهوی مسئلهلردن بیری حسابلنهدی. دین علمالری و حقوقشناسلرنینگ ایتیشیچه، بوندهی حالتلرده فرزندلرنینگ خاطرجمعلیگی، تربیهسی و منفعتلریگه علیحده اعتبار بیریش مهم.
اسلام امیرلیگی اوشبو دورده، اولکه بویلب خوفسیزلیک برقرار ایتیلیشی، ناتینچلیکلر کمهیشی و بنگیوار مادهلر گه قرشی کورهشنی، اینگ مهم یوتوقلریدن دیب بیلهدی و افغانستانده برقرارلیک و ترقیاتنی تأمینلش گه تأکیدلب کیلماقده.
اروپا اتفاقینینگ تشقی اقدام خذمتی، ۱۳-اگست، پنجشنبه کونی ترقهتگن گزارشیده ایتیشیچه، اوشبو اتفاق اسلام امیرلیگینینگ قدرت گه ایریشگنیدن کیین بیش ییلده، ایکی میلیارددن آرتیق یورونی افغانستان اهالیسینی قوللب-قوتلش اوچون اجرهتگن. مذکور گزارشده کیلیشیچه، اروپا اتفاقینینگ یاردملری…
ایران ییتکرمهلرینینگ گزارش بیریشیچه، اوشبو مملکت هرمزگان ولایتی رودان تومنیده افغانستانلیک قاچقینلر بولگن بیر موترنینگ چپه بولگنی عاقبتیده، بیر کیشی اولیب و ۱۷ کیشی یرهلنگن.
ییللر دوامیده میکروفون آرقهلی اهالی بیلن گپلشگن آواز، ایندی اوچدی؛ سلاموطندارنینگ سابق خبرچیسی، دستور تیارلاوچیسی و نطاقی صوفیا محمدزی، قریب آلتی ییل سرطان کسللیگی بیلن کورهشیشدن کیین وفات قیلدی.
