افغانستان بوکس ملی فدراسیونی، مملکت بوکسچیلری جماعهسی، کمربند و یول» یاشلرنینگ تورتینچی خلقارا فیستیوالیده اشتراک ایتیش اوچون چین گه جونب کیتگنینی معلوم قیلدی.
اوشبو فدراسیون، بوگون (۲۱ سنبله/۱۲ سپتمبر، شنبه) فیسبوک صحیفهسیده افغانستان بوکسچیلری ترکیبیده ییتی سپورتچی، ایکی مربی و ایکی حکم (داور) بارلیگینی ایتگن.
افغانستان بوکس ملی فدراسیونی، اوشبو فیستیوالده سپورتچیلر گه موفقیت و سربلندلیک طلب قیلگن. «کمربند و یول» یاشلر خلقارا فیستیوالی میلادی جاری آینینگ ۱۴ دن ۳۰ کونیگچه چینده اوتکزیلیشی ریجهلشتیریلگن.
