اوزبیکستان تشقی ایشلر وزیری اورین باسری میرواحد عظیموف، ۸ عقرب/۳۰ اکتوبر، جمعه کونی تورکیه پایتختی انقره شهریده بولیب اوتگن تورکی دولتلر تشکیلاتی‌نینگ (TDT) ۱۳-ییغیلیشی دایره‌سیده، دولت رهبرلری کینگشی‌نینگ قراری بیلن بو تشکیلات باش کاتبی ایتیب تعیینلندی.
فرانسه‌ده بوگون (۹ عقرب/۳۱ اکتوبر، شنبه) مملکت بویلب ریجه‌لشتیریلگن ناراضی‌لیک نمایشلری مناسبتی بیلن، جماعت ترتیبینی سقلش اوچون ۷۰ مینگ نفر پولیس سفر بیر ایتیلگن.
بیرلشگن ملتلر تشکیلاتی‌نینگ انسان پرورلیک یاردملرینی موافقلشتیریش اداره (اوچا)، تورخم چیگره‌سی یقینیده یوز بیرگن ینگی توقنشوولر افغانستان‌ده‌گی تینچ اهالی و یاردم خادملری‌نینگ حیاتینی خوف آستیگه قویه‌یاتگنی حقیده آگاه‌لنتیردی.
اوزبیکستان جمهور باشلیغی شوکت میرضیایف، تورکیه پایتختی انقره شهریده بولیب اوتگن «تورکی دولتلر» تشکیلاتی رهبرلری‌‌نینگ ۱۳ ییغیلیشیده، «تورکی مملکتلر سیاحتچیلیک اویوشمه‌سی» توزیلیشینی تکلیف قیلدی. شوکت میرضیایف اوز چیقیشیده تورکی دولتلر اورته‌سیده خارج گه چیقیش پاسپورت‌سیز، فقط «آی‌دی-کارت» بیلن سفر قیلیش امکانیتینی کینگه‌یتیریشنی تکلیف قیلگن.
قرغیزستان جمهور باشلیغی صدر جباروف، انقره‌ده بولیب اوتگن «تورکی دولتلر» تشکیلاتی رهبرلری‌‌نینگ ۱۳ ییغیلیشیده، تورکیه‌نینگ سیاسی، اقتصادی، حربی و تکنالوژی ساحه‌لرده‌گی یوتوقلرینی یوقاری بهاله‌دی.
آذربایجان جمهور باشلیغی الهام علی‌اوف، «ایش جدولی‌نینگ کوپ‌لیگی سببلی» جاری ییل‌نینگ ۲۹-۳۰ اکتبر کونلری تورکیه‌ده بولیب اوته‌دیگن «تورکی دولتلر تشکیلاتی» ییغیلیشیده اشتراک ایتمه‌یدی.
تورکیه مدافعه وزیرلیگی سوزلاوچیسی زکی آکتورک، حربی-دینگیز مشغولات‌لری جاری ییل‌نینگ ۴ دن ۹ نومبر کونلری ایکی دولت حربی-دینگیز کوچلری‌نینگ بولینمه‌لری و حربی خذمتچیلری اشتراکیده اوتکزیلیشینی بیلدیرگن.
امریکا قوشمه ایالتلری‌نینگ کالیفورنیا شهری سکرمنتو حدودی‌ده یشاوچی اوزبیک-تورک‌لرنینگ کمیته‌سی تامانیدن، اوزبیک تیلی ملی کونی مناسبتی بیلن کتته فرهنگی و اجتماعی محفل اوتکزیلدی.
اوزبیکستان‌لیک تدبیرکارلر افغانستان‌لیک سوداگرلر بیلن اوتکزیلگن قوشمه سودا اوچره‌شووی‌ده، افغانستان کومیری، پخته‌سی و قوریتیلگن میوه‌لرینی ساتیب آلیشگه قیزیقیش بیلدیرگن.
اکوادورنینگ گوایاکیل شهریده روحانی پاتریسیو سانچز، شنبه کونی جانلی کورسه‌تووده نمایش ایتیله‌یاتگن مقدس نان و شراب (ربانی) مراسمینی اوتکزه‌یاتگن پیتده، اونینگ آرقه‌سیگه اورنه‌تیلگن خاچ (صلیب) قولب توشیشی عاقبتیده هلاک بولدی.
حوثی‌لر بیلن توقنشوولرده، دنیا همجمیت تامانیدن تن آلینگن یمن دولتی‌نینگ ۸ عسکری اولگن.
بیرلشگن ملتلر تشکیلاتی‌نینگ خاتین-قیزلر بولیمی میلادی ۲۰۲۶ ییلده بوتون دنیا بویلب تخمیناً ۴۲۶ میلیون عیال و قیز آغیر قشاقلیک شرایطی‌ده یشه‌یاتگنینی معلوم قیلدی. تشکیلات گه کوره، اجتماعی حمایه، ساغلیق‌نی سقلش خذمت‌لری و تعلیم ساحه‌لریگه سرمایه کیریتیش‌نی آشیریش کیره‌ک.
ایران اسلام انقلابی قوریقچیلری، نفت تانکری هرمز بوغوزی‌دن ناقانونی اوتیشگه اورینگن پیتده دینگیز ماینی بیلن توقنشیب پارتله‌گنینی معلوم قیلدی. اوشبو اداره، بوگون (۲۵ میزان/۱۷ اکتوبر، شنبه) اعلان قیلگن بیاناتیده ایتیشیچه، ایکی میلیون بشکه‌دن آرتیق خام نفت تشیاتگن تانکر، مین بیلن توقنشگنیدن سونگ پارتلب و آلاو آلگن.
اوزبیکستان جمهورلیک ریاستی، ۲۲ میزان/۱۴ اکتوبر، چهارشنبه ترقه‌تگن بیانیه‌سیده، تامانلر اوشبو اوچره‌شووده اوزبیکستان و آذربایجان اورته‌سیده‌گی استراتیژیک همکارلیک‌لر کینگه‌یتیریلیشی گه توخته‌لیب و جاری ییل آگست آیی‌ده الهام علی‌اوف‌نینگ اوزبیکستان گه رسمی تشریفی دایره‌سیده امضالنگن کیلیشوولر عملگه آشیریلیش مسئله‌لری حقیده بحث ایتگنلرینی بیلدیرگن.
امریکا تشقی ایشلر وزیرلیگی گه کوره، اوشبو مملکت تشقی ایشلر وزیری مارکو روبیو، ۲۵ دن ۳۰ میزان گچه اوزبیکستان و هندوستان گه سفر قیله‌دی. او اوشبو سفری دایره‌سیده استراتیژیک، سودا و انرژی ساحه‌لریده بولگن همکارلیک‌لرنی کینگه‌یتیریش مسئله‌لری حقیده بحث ایتیشی ممکن.
آذربایجان پایتختی باکو شهریده مکتب‌لرده حجاب کییش‌نی تقیقلاوچی ینگی قاعده‌لر آرتیدن ناراضی‌لیک نمایشلری باشلندی و ۳۷ کیشی حبس گه آلیندی.
