افغانستان سودا و سرمایه کیریتیش اتاقی، بامیان کچالوسی بیرینچی مرته اوزبیکستان گه صادر قیلینیشی باشلنگنیدن خبر بیردی. اوشبو اداره، بوگون (۲۱ عقرب/۱۲ نومبر، پنج‌شنبه) ایکس صحیفه‌سیده، بامیان ولایتیدن یوکلنگن کچالو موترلری، بیرینچی مرته بولیب حیرتان بندری آرقه‌لی اوزبیکستان‌نینگ ترمذ شهری تامان یوللنگنینی معلوم قیلگن.
جوزجان ولایتی‌نینگ «زیرچنار» قیشلاغیده ایریم عیاللر اوچون ایسیقخانه‌لرده بادرینگ (بادرنگ) ییتیشتیریش شونچه کی زراعت محصولاتینی پرورش قیلیش ایمس، بلکی محنت قیلیش، درآمد تاپیش و عایله‌وی خره‌جتلرنی قاپلش گه حصه قوشیش امکانیتی ایدی، بیراق قوروقچیلیک و سوو تنقیص‌لیگی بو فعالیت‌نی توخته‌تیب قویگن. نتیجه‌ده بادرینگ ییتیشتیریش و ساتیش آرقه‌لی درآمد تاپیب کیلگن عیاللر اوز تیریکچیلیک منبعی‌دن محروم بولگن.
کابل شهریده تورت نفر یاش تدبیرکار بیر میلیون افغانی سرمایه بیلن «همرا» خذمتلر اپلیکیشن‌نی ایشگه توشیرگن؛ یشاوچیلرنینگ کونده‌لیک خذمتلردن فایده‌لنیشینی آسانلشتیریش مقصدیده یره‌تیلگن اوشبو «ایلاوه» (نرم‌افزار) آنلاین تکسی، طعام بویورتمه قیلیش، محصولات ساتیب آلیش، شفاکاردن نوبت آلیش، مهمانخانه‌نی بوک قیلیش و آنلاین تولاو کبی ۱۲ تورده‌گی خذمت‌نی یگانه پلتفرمه‌ده بیرلشتیرگن.
اوزبیکستان افغانستان حدودیده آمو دریا قیرغاقلرینی مستحکملش لایحه‌سینی عملگه آشیریش اوچون ۱۰ میلیون دالر اجره‌تگن.
اسلام امیرلیگی کانلر و پترولیم وزیرلیگی، افغانستان «توز» ایشلب چیقریشده اوزینی-اوزی تأمینلش درجه‌سیگه ییتگنینی و حاضرده ایچکی ایشلب چیقریش مملکت بازاری‌نینگ احتیاجینی قاندیره‌یاتگنینی معلوم قیلدی.
فاریاب ولایتی‌نینگ تورلی حدودلریده ایریم چاروادارلرنینگ ایتیشیچه، یاغینگرچیلیک‌نینگ کمه‌یشی و ییلاولرنینگ قوریب قالیشی چاروا ماللرینی باقیش اوچون ایریم قیینیچیلیک بیلن دوچ بولگنلر.
اسلام امیرلیگی ایکینچیلیک وزیرلیگی هیئتی اوزبیکستان گه قیلگن سفری دایره‌سیده اوشبو مملکتده محصولات ایشلب چیقرووچی مرکزلرنی یقیندن باریب کورگن.
حرارت‌نینگ کوتریلیشی، یاغینگرچیلیک‌نینگ ترتیب‌سیزلشووی و سوو تنقیص‌لیگی ننگرهارده عنعنوی ایکیش و حاصل ییغیب آلیش تقویمینی ایزدن چیقرگن؛ بوغدای مدتیدن آلدین پیشیب ییتیلماقده، سبزه‌واتلر حاصل ییغیب آلیش موسمیدن اول ضرر کورماقده، ایریم ایکینچیلیک ییرلری ایسه سوو تنقیص‌لیگی سببلی ایکین ایکیش جریانیدن چیتده قالگن.
ایکینچیلیک و چارواچیلیک وزیرلیگی، اوشبو وزیرلیک معینی صدراعظم عثمانی بیر هیئت باشچیلیگیده، زراعت و سودا همکارلیکلرنی کینگه‌یتیریش و مستحکملش مقصدیده رسمی تشریف بیلن اوزبیکستان گه ییتیب بارگنیدن خبر بیردی.
سلام‌وطندارنینگ ۲۵ نفر یاش (۱۴ نفر ییگیت و ۱۱ نفر قیز) بیلن اوتکزگن صحبت نتیجه‌لری شونی کورسته‌دی کی، اولردن ۱۱ نفری اقتصادی معمالر، یشش خره‌جتلری‌نینگ آشیشی، ایش حقلری‌نینگ پست‌لیگی همده برقرار ایش اورینلری‌نینگ یوقلیگی سببلی بیر وقت‌نینگ اوزیده بیر نیچته ایشده ایشلشگه مجبور بولگن.
بدخشان ولایتی‌نینگ بهارک تومنیده ۸ میلیون افغانیدن آرتیق مبلغ عوضی گه، ۱۵ ته پیاز سقلش امباری قوریلدی. اوشبو امبارلر ۲۵۰ تُن‌دن آرتیق پیازنی سقلش امکانیتیگه ایگه.
اسلام امیرلیگی فواید عامه وزیرلیگی مسئوللری، قویاش ۱۴۰۵ییل‌نینگ دستلبکی آلتی آیی دوامیده، مملکت تیمیر یوللری آرقه‌لی یوک تشیش ایکی برابر گه آشگنیدن خبر بیردیلر.
پکتیا ولایتی‌نینگ اورمانلی حدودلریده یشاوچی ایریم فقرالرنینگ ایتیشیچه، ولایتده جلغوزه حاصلی عنعنوی و ناتوغری اصوللرده ییغیب آلینه‌دی؛ بونده‌ی اصول درخت شاخه‌لریگه ضرر ییتکزیب همده حاصل‌نینگ کمه‌یشی و جلغوزه اورمانلری‌نینگ استه-سیکین یوق بولیشیگه سبب بوله‌دی.
اسلام امیرلیگی باش وزیری‌نینگ اقتصادی اورین باسری ملا عبدالغنی برادر، عزیزی گروپ کمپنیه‌لر باشلیغی میرویس عزیزی بیلن اوچره‌شدی. اسلام امیرلیگی باش وزیری‌نینگ اقتصادی اورین باسرلیگی، بوگون (۱۳ عقرب/۴ اکتوبر، چهارشنبه) بیر بیانیه ترقه‌تیب، تامانلر اوشبو اوچره‌شووده عزیزی کمپنیه‌لری تامانیدن عملگه آشیریله‌یاتگن و ایشی باشلنه‌دیگن لایحه‌لر حقیده بحث ایتگنلرینی بیلدیرگن.
بغلان ولایتی پلخمری تاش کومیر کانی و جوزجان ولایتیده آمودریا حوزه‌سی جنگل کلان گازینی قزیب آلیش، تیکشیریش و کینگه‌یتیریش شرطنامه‌سی، اسلام امیرلیگی باش وزیری‌نینگ اقتصادی اورین باسری ملا عبدالغنی برادر اشتراکیده، کانلر و پترولیم وزیرلیگی، امارتی کمپنیه‌لر عمومی ریاستی و عزیزی گروپ اورته‌سیده امضالندی.
کیتمه-کیت دوام ایته‌یاتگن قوروقچیلیک، هوا حرارتی‌نینگ ناعادتی درجه‌ده کوتریلیشی و سوو منبعلری‌نینگ تنقیص‌لیگی، هرات باغدارلرینی اوسیملیک آفت و حاصللری کمه‌یش قیینچیلیگی بیلن دوچ قیلگن. باغدارلرنینگ ایتیشیچه، اولر بیر نیچه بار دارو سیپیب و کیمیاوی دارولرنی ساتیب آلیش اوچون کوپ پول صرفله‌گن بولسه‌لر-ده، آفت‌لر همان ایکینلریگه ضرر ییتکزماقده.
