اسلام امیرلیگی باش وزیرینینگ اداری اورین باسری مولوی عبدالسلام حنفی، هراتده آزیق-آوقت و داری-درمان همده طبی محصولاتلر صفتینی نظارت قیلیش لابراتوارنینگ آچیلیش مراسمیده، مملکتنینگ تورلی حدودلریده بوندهی مرکزلرنینگ تشکیل ایتیلیشی صفتسیز آزیق-آوقت و داری-درمانلرنینگ آلیب کیریلیشی همده ایشلب چیقریلیشلرنینگ آلدینی آلیشینی بیلدیردی.
سرپل ولایتیدهگی ایریم عیاللر اقتصادی قیینچیلیکلر و بعضی عایلهوی معمالر سببلی وقتیده طبی مرکزلر گه مراجعت قیله آلمهگنلرینی ایتهدیلر. جمعیت و ساغلیق بیلرمانلرینینگ تأکیدلشیچه، برچه عایله اعضالرینینگ سلامتلیگیگه دقت قیلیش و وقتیده دوالش، کسللیک ترقهلیشینی آلدینی آلیب و عایله سلامتلیگینی سقلش گه یاردم بیرهدی.
افغانستان انرژی تأمینلش اوچون باشقه وقتلر گه نسبتن حاضر ایچکی منبعلر گه کوپراق احتیاجی بار ایکن، جوزجان گاز کانلریدن هر کونی دییرلی ۶۵۰ مینگ مترمکعب طبیعی گاز قازیب آلینماقده، بو گاز مملکت برقی، کیمیاوی کود و انرژی احتیاجلریدن بیر بولیمینی تأمینلهیدی. مسئوللرنینگ ایتیشلریچه، یشش محیط و فنی ستندردلرنی رعایت قیلیش بیلن بو منبع قازیب چیقریلیشی عملگه آشیریلهدی؛ لیکن ایش بیلرمانلرنینگ آگاهلنتیریشیچه، افلاسلنتیرووچی عامللر، توپراق و سوو منبعلریگه دقیق نظارت بولمسدن بو فعالیت دوامی، یشش محیط اوچون جدی عاقبتلرگه سبب بولهدی.
اسلام امیرلیگی سوزلاوچیسینینگ ایتیشیچه، سونگی بیر ییلده مملکت قونالغهلریدن ۱۲ مینگ ۸۳۲ پرواز عملگه آشیریلگن و اوشبو مدت دوامیده هوا ترانسپورتی آرقهلی بیر میلیون ۵۷۰ مینگدن آرتیق یولاوچی تشیلگن.
اسلام امیرلیگی فواید عامه وزیرلیگی، جاری ییل سرطان آییده افغانستان تیمیر یوللری آرقهلی ۷۱۶ مینگ ۳۰۰ متریک تُن توار تاشیلگنینی معلوم قیلگن.
اوزبیکستان جمهور باشلیغی شوکت میرضیایف، قیرغیزستان گه رسمی تشریفی دایرهسیده اوشبو مملکت جمهور باشلیغی صدر جباروف بیلن اتفاقچیلیک مناسبتلری توغریسیده تاریخی شرطنامه امضالهدی.
بیش کونلیک مخابرات و تکنولوژی کورگزمهسینی یولگه قویگنلرنینگ ایتیشلریچه، بو کورگزمه جریانیده تکنولوژی ساحهسیده ایچکی کمپنیهلر ایچیده و شونینگدیک اوزبیکستان و ایران کمپنیهلری بیلن ایچکی کمپنیهلر اورتهسیده ۱۰ میلیون دالر ارزشیگه قریب ۳۰ ته شرطنامه امضالنگن.
بلخ ولایتی محلی مسئولری، اوزبیکستان اوشبو ولایتنینگ «ابو علی سینای بلخی» حوزهوی شفاخانهسیگه طبی جهازلر یاردم بیرگنینی معلوم قیلدیلر.
هرات محلی مسئوللری، اوشبو ولایتنینگ زندهجان تومنی کانیدن قیزیب آلینگن «قاره تاش» یوکی بیرینچی مرته «صدف سرد» کمپنیهسی آرقهلی امریکا قوشمه ایالتلریگه صادر قیلینگنینی معلوم قیلدیلر.
اسلام امیرلیگی ایکینچیلیک، سووغاریش و چارواچیلیک وزیرلیگی، فاریاب ولایتیده افغانستان و اوزبیکستان اورتاقلیک باغی برپا ایتیلیشی بو ایکی دولت رسمیلرینینگ اشتراکی بیلن باشلنگنینی معلوم قیلدی.
دایکندی ده اوشبو ولایت مرکزی همده سکیز تومنیدن تولید قیلووچی عیاللر و ایرککلر حضوری بیلن اوچ کونلیک ایچکی محصوللر کورگزمهسی اوتکزیلدی. مذکور کورگزمه ایچکی محصوللرنینگ تانیشتیریش، ساتیلیش بازارینی یرهتیش و ایشلب چیقرووچیلر اینیقسه عیاللرنینگ قوللب-قوتلش مقصد دایکندی سودا و صناعت ریاستی همکارلیگی همده آقاخان جمغرمهسی مالی حمایتی بیلن اوتکزیلگن.
اسلام امیرلیگی سودا و صناعت وزیرلیگینینگ اعلام قیلیشیچه، افغانستان و اوزبیکستان ۲۰۰ میلیوندن آرتیق دالر ارزشیگه ۲۲ ته سودا بیتیمینی امضا قیلگنلر.
هرات ایکینچیلیک، سووغاریش و چارواچیلیک ریاستی مسئوللری، قویاش ۱۴۰۵-ییل باشلنگنیدن حاضرگچه بو ولایت اریچیلیک فارملریدن ۲۵۰ تُن عسل ایشلب چیقریلگن، اوتگن ییلگه نسبتن ۸۰ فایز کوپهیشنی کورستهدی.
خواهان، شکی، کوفآب، نسی و مایمی بدخشان ولایتینینگ اینگ اوزاقده جایلشگن تومنلریدن حسابلنهدی. بو تومنلر اهالیسی ییللردن بیری ستندرد و زمانهوی یوللری یوقلیگیدن عذاب چیکماقده.
اوزبیکستان باشوزیری اورینباسری جمشید خواجهیفنینگ ایتیشیچه، مملکتی افغانستاننینگ ایکینچیلیک محصوللریگه نیازی بولیب و بو مملکت بیلن قوشمه همکارلیکلر، محصوللرنی قیته ایشلش و ایشلب چیقریشنی رواجلنتیریش بولیمیده ایشلشگه تیار دیر.
افغانستان سودا و سرمایه یاتقیزیش اتاق باشلیغی سیدکریم هاشمی، اوزبیکستان باشوزیری اورینباسری جمشید خواجهیوف بیلن اوچرهشیب و صحبت قیلگن. افغانستان سودا و سرمایه یاتقیزیش اتاقینینگ بوگون (۵-اسد، دوشنبه)، اکس صحیفهسیده یازیشیچه، هاشمی و خواجهیوف…
