بوگون (۴ عقرب/۲۶ اکتبر، دوشنبه) شکردره تومنیده شاه و عروس توغانیدن کابل شهریگه سوو ییتکزیب بیریش لایحه‌سی شرطنامه‌سی، امارتی شرکتلر عمومی ریاستی مسئوللری اشتراکیده امضالندی.
سوو ییتکزیش و شهر آقاوه سوولرینی باشقریش اداره باشلیغی غلام‌الرحمان کظیم، کابل گه سوو ییتکزیب بیریش لایحه‌سی شرطنامه‌سینی امضالش مراسمیده معلوم قیلیشیچه، لایحه یکونلنیب فایده‌لنیشگه تاپشیریلگچ، بو شهرنینگ ییتینچی ناحیه‌سیده ۵۰ مینگته عایله سوو بیلن تأمینلنه‌دی.
شهری سوو ییتکزیش و آقاوه سوولرنی باشقریش امارتی شرکت‌نینگ تجارت باشلیغی عبدالمتین مطمئن، لایحه عملگه آشیریلیشی بیلن شاه و عروس توغانیدن ثانیه‌ده ۱۰۰ لیتر ییر اوستی سووی همده بیشته قودوقدن ثانیه‌ده قریب ۱۰۰ لیتر سوو کابل شهریگه ییتکزیب بیریلیشینی معلوم قیله‌دی.
شهری سوو ییتکزیش و آقاوه سوولرنی باشقریش امارتی شرکت‌نینگ تجارت باشلیغی گه کوره، اوشبو لایحه گه بیر میلیارد افغانی سرمایه کیریتیلگن.
سونگی ییللرده اقلیم اوزگریشلری سببلی کابل شهریده ییر آستی سوولری سطحی پسه‌یب کیتگن. نتیجه‌ده شهر اهالیسی سوو تأمیناتیدن فایده‌لنیشده قیینچیلیک‌لر گه دوچ کیلماقده.
