۲۳ آگست کونی تکنالوژی تاریخیده جهان وایلد ویب یعنی ویب سایت و خلقارا اینترنت ترماغیدن عامهوی فایدهلنیش امکانیتی آچیلگن سنه صفتیده تاریخ گه کیرگن؛ اوشبو تکنالوژی اروپا هسته (یدراو) تدقیقاتلر تشکیلاتیده برنرز-لی جماعهسی تامانیدن یرهتیلگن.
آذربایجان جمهور باشلیغی الهام علیاوف و تورموش اورتاغی مهربان علیاوف، رسمی تشریف بیلن تاشکینت گه باردی. اوزبیکستان جمهورلیک ریاستی، بوگون (۱ سنبله/۲۳ آگست، یکشنبه) بیر بیانیه ترقهتیب آذربایجان جمهور باشلیغی میرضیایفنینگ تکلیفی گه بناً بو مملکت گه تشریف بویرگنینی معلوم قیلدی.
اسلام امیرلیگی ستندرد و صفت ادارهسی، مملکت ایچکی معیارلریگه تینگ بولمهگن ۱۳۹ تُندن آرتیق قوریلیش موادی و توارلر، فراه ولایتیده ابونصر فراهی بندریدن قیتریلگنینی معلوم قیلدی. اوشبو اداره، بوگون (۱ سنبله/۲۳ آگست، یکشنبه) ایکس اجتماعی ترماغیده بیر بیانیه ترقهتیب، مذکور قوریلیش موادی و توارلر برچه تامانلمه تیکشیرودن کیین صفتسیز و ستندردسیزلیگی انیقلنگچ، قیتریلگنینی ایتگن.
بیرلشگن ملتلر تشکیلاتینینگ آزیق-آوقت دستوری، جنوبی کوریا افغانستانده عیاللر و بالهلرنینگ توییب آوقتلنیشی اوچون اوچ میلیون دالر یاردم کورستگن. مذکور اداره، بوگون (۱ سنبله/۲۳ آگست، یکشنبه) ایکس اجتماعی ترماغیده بیر بیانیه ترقهتیب، افغانستانده محتاج کیشیلرنی قوللب-قوتلش اوچون جنوبی کوریا اوچ میلیون دالر یاردم بیرگنینی معلوم قیلگن.
افغانستان آزاد مبارزهلر سپورتچیسی جاوید بشارت، «پیافال» تشکیلاتی مسابقهلریده، روسیهلیک رقیبی موسار ایبراگیموف گه غلبه قازاندی.
«یوافسی» تشکیلاتی مسابقهلریده، افغانستان آزاد مبارزهلر سپورتچیسی نصرت حقپرست، امریکالیک رقیبی کریس تاکو پادیلا برابریده مغلوبیت گه تن بیردی.
اسرائیل دران آرقهلی سوریه جنوبغربیده تینچ اهالی موترینی نشانگه آلدی و اونینگ نتیجهسیده نیچه کیشی یرهلندی.
اسرائیل باش وزیری بنیامین نتانیاهو ادارهسی، تورکیه عدلیه وزیرلیگینینگ نتانیاهو اینترپلنینگ «قیزیل بیلدیریشنامهسی» آرقهلی خلقارا قیدیروگه بیریش حقیدهگی طلبی گه مناسبت بیلدیریب، بو مملکتنی ایکی یوزلمچیلیکده عیبلهگن. ییتکرمهلرنینگ معلوماتیگه کوره، اسرائیل بو طلبنی رجب طیب اردوغاننینگ اوشبو مملکت رهبریتی و عسکرلرینی قورقیتیشگه قرهتیلگن «اچینرلی اورینیشی» دیب اتهگن.
امریکا جمهور باشلیغی دونالد ترامپ ینگی بیاناتیده، ینه بیر بار ایران گه نسبتن اقتصادی باسیملر دوام ایتیشی گه تأکیدلب بو مملکت گه قرشی کینگ کولملی ینگی تحریملر تفصیلاتینی اعلان قیلیشینی بیلدیردی.
بدخشان مرکزی فیضآباد شهری ایریم یشاوچیلری، سونگی ایکی هفته دوامیده بعضی کونلرده حتا ۸ و ۱۰ ساعت برقلری بولمهگنینی ایتهدیلر. اولر گه کوره، برق اوزیلیشی، بالهلر تعلیمی، اقتصادی فعالیتلر و عایلهلرنینگ کوندهلیک حیاتیگه سلبی تأثیر قویگن.
امریکا و کانادا اورتهسیده تجاری کیلیشوو مذاکرهلری نتیجهسیز یکونلنگنیدن سونگ، امریکا قوشمه ایالتلری کانادانینگ ایریم توارلریگه ۵۰ فایزلیک باج جاری قیلگن. رویترز نشری، بوگون (۳۱ اسد/۲۲ آگست، شنبه) ترقهتگن گزارشیده، ایکی تامان مذاکرهلر نتیجهسیز یکونلنیشگه بیر-بیرینی عیبلهگن.
قید ایتیلیشیچه، روسیه حربی کوچلری ۳۰ اسد/۲۱ آگست، جمعه کونی کیچ قورون اوکرایننینگ کریویریه شهری گه هجوم قیلگن و اونینگ نتیجهسیده کمیده ۱۶ کیشی اولگن و ینه ۱۳۰ کیشی یرهلنگن. واقعه طفیلی یرهلنگنلر آرهسیده ۲۲ نفر باله بار.
بیرلشگن ملتلر تشکیلاتی آزیق-آوقت دستوری، جنوبی کوریا افغانستان گه ۳ میلیون دالر یاردم بیرگنینی معلوم قیلدی.
پاکستاننینگ سابق باش وزیری عمران خان اسلامآباد دهگی شفاخانهده بیر نیچه ساعت طبی کوریکدن اوتگچ، ینه عدلیه قماقخانهسیگه قیتریلدی. قید ایتیلیشیچه، ۷۳ یاشلی سیاستچی عالی محکمه قراریگه موافق اوتگن کیچه قماقخانهدن شفاخانه گه آلیب باریلگن. او ییرده طبی تیکشیرودن اوتکزیلگنیدن سونگ بوگون (۳۰ اسد/۲۱ آگست، جمعه) ینه قماقخانه گه قیتریلگن.
غورده ایریم حاملهدار عیاللر بیزگک (ملاریا) کسللیگیگه چلینگنینی ایتیب، بو حالت حامله (جنین)لرنینگ سلامتلیگینی تهدید قیلهیاتگنلرینی بیلدیرگنلر.
اسلام امیرلیگی مخابرات و تکنالوژی وزیرلیگی، مملکت تورت ولایتیده ۲۶۹ میلیون افغانی قیمتی بولگن ۳۱ ته مخابراتی آنتن قوریلیشیدن خبر بیردی.
