هر بهار دایکندی ولایتی‌نینگ کوپلب حدودلریده یاغینگرچیلیک و قار ایریشی نتیجه‌سیده سوو آقیملری تاپیله‌دی؛ اما ییترلی سوو امبارلری یوقلیگی سببلی، بو سوونینگ بیر قسمی حدوددن آقیب چیقیب کیته‌دی. یاز کیلیشی بیلن ایسه عینی حدودلرده سوو منبعلری کمه‌یب، دهقانچیلیک، باغدارچیلیک و چارواچیلیک اوچون سوو تاپیش قیینلشه‌دی.
سلمه تیکیش نورستان‌ده‌گی ایریم عیاللر اوچون عنعنوی هنر‌دن تشقری، درآمد تاپیش و عایله خره‌جت‌لرینی قاپلشگه یاردم بیره‌دیگن واسطه گه هم ایلنگن. بیراق ایش امکانیت‌لری‌نینگ چیکلنگنی، تعلیم و کسب اورگه‌تیشگه بولگن احتیاج همده محصولات‌لرنی بازار گه چیقریش بوییچه قوللب-قوتلش دستورلری‌نینگ یوقلیگی اوشبو کسب‌نینگ رواجلنیشیگه توسقینلیک قیلماقده.
تیل بیر جمعیت‌نینگ مدنی و ملی اوزلیگینی بیلگیلاوچی اینگ مهم عنصرلردن بیری حسابلنه‌دی. او نه‌فقط انسانلرنینگ فکر-ملاحظه‌لری، حس-تویغولری و قره‌شلرینی افاده ایتووچی واسطه، بلکی تاریخ، مدنیت، قدریت‌لر همده اجدادلردن قالگن میراث‌نی کیله‌جک اولادلر گه ییتکزوچی کوپریک هم دیر.
بدخشان ولایتی زراعت ریاستی مسئوللری‌نینگ ایتیشیچه، اقلیم اوزگریشی اوشبو ولایتده‌گی پسته اورمانلریگه ضرر ییتکزگن. طبیعی پسته اورمانلری‌نینگ میدانی ۱۰ مینگ هکتاردن آرتیق بولگن بولسه، حاضرده اولردن تورت مینگ هکتاردن سل کوپراغی سقلنیب قالگن.
بوگون (۲۹ میزان/۲۱ اکتوبر، چهارشنبه) اوزبیک تیلی‌نینگ ملی کونیگه تینگ. بوکوندن افغانستان شامل دنیانینگ تورلی شهر و بورچک‌لریده طنطنه‌لی شکلده نشانلنماقده.
۲۹ میزان/۲۱ اکتوبر، اوزبیک تیلی‌نینگ ملی کونیگه تینگ. اوزبیک تیلی ملی کونی افغانستان‌ده‌گی اوزبیک زبانلر اوچون مهم مدنی سنه‌لردن بیری دیر. بو کون آنه تیلی‌میزنی اسره‌ب-اوه‌یلش ، اوزبیک ادبیاتی و تاریخینی تنیشتیریش، شاعر و یازووچیلرنی اعزازلش همده اوشبو مدنی میراث‌نی کیله‌جک اولادلر گه ییتکزیش اوچون مهم امکانیت دیر.
رقملی دورده یسمه عقل (هوش مصنوعی) کم سانلی سوزلشووچیلر گه ایگه تیللر اوچون ینگی امکانیت‌لر و معمالرنی یوزه گه کیلتیرماقده. اوشبو تکنالوژی الکترون لغت‌لر یره‌تیش، آغزه‌کی ایجاد نمونه‌لرنی سقلش، ترجمه قیلیش و تیل اورگه‌تیش آرقه‌لی بونده‌ی تیللرنی اسره‌ش همده قیته تیکلشگه یاردم بیریشی ممکن، بیراق رقملی منبع‌لرنینگ کم‌لیگی و ییترلی درجه‌ده قوللب-قوتلنمسلیک اوشبو تیللرنینگ کیله‌جگینی خوف آستیگه قوییشی ممکن.
۲۹ میزان/۲۱ اکتوبر «اوزبیک تیلی‌نینگ ملی کونی» گه تینگ؛ بو تیل مملکت ایریم یشاوچیلری‌نینگ اوزلیگی و مدنی میراثینی مهم بیر قسمی دیر. بیراق، اوزبیک تیلیده سوزلشووچی ایریم کیشیلر آنه تیلیده گپلشه آلسه‌لرده- اونی اوقیش و یازیش‌نی بیلمسلیک‌لرینی ایته‌دیلر. اولرنینگ فکریچه، بو معما مکتبلرده اوزبیک تیلینی اورگه‌نیش امکانیت‌لری آزلیگی بیلن باغلیق.
سمنگان‌نینگ مرکزی ایبک شهریده اهالی سانی‌نینگ آرتیشی و تورر جای حدودلری‌نینگ کینگه‌یشی بیلن چیقیندیلرنی باشقریش و ییغیش شهرنینگ اساسی احتیاجلریدن بیریگه ایلنگن. ایبک بلدیه‌سی چیقیندیلر اویمه-اوی و بیلگی‌لنگن ریجه اساسیده ییغیلیشینی ایته‌یاتگن بولسه-ده، ایریم اهالی چیقیندیلر وقتیده آلیب کیتیلمسلیگی، یاقیمسیز هید و اطراف-محیط‌نینگ افلاسلنیشیدن شکایت قیله‌دیلر.
اکوادورنینگ گوایاکیل شهریده روحانی پاتریسیو سانچز، شنبه کونی جانلی کورسه‌تووده نمایش ایتیله‌یاتگن مقدس نان و شراب (ربانی) مراسمینی اوتکزه‌یاتگن پیتده، اونینگ آرقه‌سیگه اورنه‌تیلگن خاچ (صلیب) قولب توشیشی عاقبتیده هلاک بولدی.
اسلام امیرلیگی صناعت و سودا وزیرلیگی رسمی‌لری سلام‌وطندار بیلن صحبتده ایتیشلریچه، قویاش ۱۴۰۵ ییل باشیدن حاضرگچه ۵۵۰ میلیون دالرلیک دییرلی ایکی میلیون تُن بوغدای اونی، قوشنی و منطقه مملکتلردن افغانستان گه کیلتیریلگن.
اسلام امیرلیگی باش وزیری‌نینگ اقتصادی اورین باسری ملا عبدالغنی برادر، قوروقچیلیک، سوو تاشقینلری و زلزله‌دن جبرلنگن و چیت‌ایل‌دن اولکه گه قیتگن افغانستان‌نینگ کوپینچه اهالیسی اقتصادی قیینیچیلیک‌لر گه دوچ ایکنلرینی بیلدیردی.
پنجشیرده‌گی توستدن یوز بیره‌دیگن سوو تاشقینلری، توپراق بوزیلیشی و یاغینگرچیلیک ترتیبی‌نینگ اوزگریشی ایکین میدانلری همده دهقانلرنینگ تیریکچیلیگینی خوف آستیگه قویماقده. پنجشیر ولایتی زراعت اداره‌سی معلوم قیلیشیچه، جاری ییل‌نینگ دستلبکی آلتی آیی‌ده عنابه و آبشار تومنلریده زراعت گه عاید ۱۱ ته آست قوریلمه لایحه‌سی عملگه آشیریلگن.
برشنا کمپنیه‌سی، اندخوی-میمنه ۱۱۰ کیلوولت برق اوزه‌تیش لینینی ینگی‌لش لایحه‌سی دایره‌سیده، ۸۵ کیلومتر اوزونلیکده ایسکیرگن و ضرور بولگن ایریم اوسکونه‌لرنی المشتیرگن.
حوثی‌لر بیلن توقنشوولرده، دنیا همجمیت تامانیدن تن آلینگن یمن دولتی‌نینگ ۸ عسکری اولگن.
بیرلشگن ملتلر تشکیلاتی‌نینگ خاتین-قیزلر بولیمی میلادی ۲۰۲۶ ییلده بوتون دنیا بویلب تخمیناً ۴۲۶ میلیون عیال و قیز آغیر قشاقلیک شرایطی‌ده یشه‌یاتگنینی معلوم قیلدی. تشکیلات گه کوره، اجتماعی حمایه، ساغلیق‌نی سقلش خذمت‌لری و تعلیم ساحه‌لریگه سرمایه کیریتیش‌نی آشیریش کیره‌ک.
