جرمنیده روسیهنینگ ناتو دولتلریدن بیریگه هجوم قیلیش احتمالیگه قرشی، شفاخانهلر مینگلب یرهدار حربیلرنی قبول قیلیشگه تیارلنماقده. بلومبرگ نشری گه کوره، جرمنی دولت ادارهلری مملکت آست قوریلمهسی و ساغلیقنی سقلش تیزیمینینگ اوروش شرایطیده ایشلش امکانیتلرینی تیکشیرماقده.
بغلان ولایتیده، «پوزهی ایشان» ایکینچیلیک تدقیقات فارمینینگ سونگی ییللرده پخته کلکسیونی یرهتیش و مخصوص تجربهلر اوتکزیش آرقهلی قوروقچیلیک، کوچلی ایسیق و کسللیکلر گه چیدهملی نوعلرنی انیقلش و رواجلنتیریش گه حرکت قیلماقده. اوشبو مرکزده غوزه وزنی، اوسیملیکنینگ بویی، اوسیش دوری و حاصل بیریش میزانی کبی خصوصیتلر اورگنیلهدی. مقصد – کیلهجکدهگی اقلیم شرایطلریگه ماس اوروغلرنی دهقانلر گه ییتکزیب بیریش.
تورکیه ملی استخبارات باشلیغی ابراهیم کالین، اوتگن کون کابل گه تشریف بویریب و اسلام امیرلیگی ایریم ییریک عملدارلری بیلن اوچرهشدی. کالین، اوشبو سفری دایرهسیده اسلام امیرلیگی استخبارات ادارهسی باشلیغی عبدالحق واثق، باش وزیر اداری اورین باسری مولوی عبدالغنی برادر، مدافعه وزیری مولوی محمدیعقوب مجاهد، ایچکی ایشلر وزیری خلیفه سراجالدین حقانی بیلن اوچرهشگن.
محبوسلرنینگ ایشلرینی ترتیب گه سالیش اداره گه کوره، حاضرگی کونده اوشبو اداره نظارتی آستیده بولگن جمعی قماقخانهلرده قریب ۱۵ مینگ محبوس سقلنهدی، اولرنینگ تخمیناً بیرمینگ نفرینی عیاللر تشکیل بیرهدی.
روسیه حربی کوچلری، اوکرایننینگ دنیپروپتروفسک ولایتی نیکوپول حدودلریده یولاوچی اتوبسنی پهپاد آرقهلی نشانگه آلگن و اونینگ نتیجهسیده بیش کیشی اولگن و ینه ییتی نفر یرهلنگن.
هلمند ولایتی محلی مسئوللری، جاری میلادی ییلده اوشبو ولایتده بالهلر فلجی (پولیو)نینگ ییتیته ایجابی حالتی قید ایتیلگنینی معلوم قیلگنلر. بوندن ایلگری اسلام امیرلیگی ساغلیقنی سقلش وزیرلیگی مسئوللری، جاری ییلده مملکت بویلب پولیونینگ هیچ مثبت حالتی قید ایتیلمهگنینی ایتگن ایدیلر.
قوروقچیلیک و اقلیم اوزگریشی سببلی سوو تنقیصلیگی سونگی ییللرده غزنی ولایتینینگ ایریم تومنلریده دهقانچیلیک و چارواچیلیککه سلبی تأثیر قویگن. غزنی مرکزی همده خواجهعمری، مالستان، دهیک، قرهباغ و جغتوی تومنلریدهگی دهقان و باغدارلرنینگ ایتیشیچه، سونگی بیر نیچه ییل ایچیده ییر آستی سوولری سطحی سیزیلرلی درجهده پسهیگن. بیراق پسهیش درجهسی حدودلر گه قرهب فرق قیلهدی.
یمن حوثیلری، اوشبو مملکتنینگ مأرب ولایتی آسمانیده سعودی عربستان گه تیگیشلی اف-۱۵ قیروچی اوچاغینی اوریب توشیرگنینی ادعا قیلدی.
آذربایجان جمهور باشلیغی الهام علیاوف، ۲۴ سنبله/۱۵ سپتمبر، سهشنبه کونی اوشبو مملکت پایتختی باکو شهریده مذهبی رهبرلر بیلن اوچرهشووده، تورک دنیاسی، قفقاز و اسلام دنیاسی متحد بولسه، اولرنی کوچلی قیلیب و اولر گه هیچ کیم ضرر ییتکزه آلمسلیگینی ایتگن.
بلخ حاکمیتی مطبوعات ادارهسی، افغانستان-اوزبیکیستان قوشمه بازاریده قول صناعتی همده مملکتده ایشلب چیقریلگن محصولاتلرینینگ اوچ کونلیک کورگزمهسی آچیلگنیدن خبر بیردی. اوشبو کورگزمه ۲۴-سنبله/۱۵ سپتمبر سهشنبه کونی آچیلگن و اونده ایکینچیلیک محصولاتلری، قیمتبها تاشلر، قول صناعتی، مملکت ایچیده ایشلب چیقریلگن محصولاتلری و گیلملر نمایش ایتیلگن.
سپورت یاشلرنینگ جسمانی و عقلی رواجلنیشینینگ اینگ ثمرهلی واسطهلریدن بیری حسابلنهدی، بیراق کاپیسا ولایتیده ستندرد طلبلریگه جواب بیرهدیگن سپورت جایلرینینگ آزلیگی سببلی کوپلب یاشلر سپورت فعالیتلریگه داوم بیرمسلیککه آلیب کیلگن.
«حالوش» انسان حقلری تشکیلاتی، ایران سراوان تومنی «روتک» چیگره حدودیده ۱۷ افغانستانلیک مهاجر جملهدن عیاللر و بالهلر «سووسیزلیک» سبب وفات ایتگنینی معلوم قیلدی. اوشبو تشکیلات، ترقهتگن گزارشیده اولگنلر آرهسیده بغلان ولایتیدن بولگن بیر عایلهنینگ بیش اعضاسی بارلیگینی ایتگن.
بدخشان معارف ریاستی مسئوللرینینگ ایتیشیچه، بو ولایت یاوان تومنیده اورته مکتبنینگ قوریلیشی باشلنگن.
اسلام امیرلیگی تشقی ایشلر وزیری امیرخان متقی و قرغیزستان تشقی ایشلر وزیری کولوبایف، تلفونی علاقهده بو ایکی مملکت اورتهسیدهگی همکارلیکلر کینگهیتیریلیشی و مستحکملنیشی حقیده بحث ایتگنلر.
شمالی کوریا رهبری کیم جونگ اون، مملکتی روسیه بیلن همکارلیکلرینی «کینگهیتیریش و ینهده مستحکملش» اوچون سعی-حرکت قیلهیاتگنینی معلوم قیلدی.
ناتو قیروچی اوچاقلری لیتوانی هوا حدودیگه کیرگن بلاروسنینگ پهپادینی اوریب توشیردی.
