اسلام امیرلیگی باش وزیری‌نینگ اقتصادی اورین باسری ملا عبدالغنی برادر، عزیزی گروپ کمپنیه‌لر باشلیغی میرویس عزیزی بیلن اوچره‌شدی.
اسلام امیرلیگی باش وزیری‌نینگ اقتصادی اورین باسرلیگی، بوگون (۱۳ عقرب/۴ اکتوبر، چهارشنبه) بیر بیانیه ترقه‌تیب، تامانلر اوشبو اوچره‌شووده عزیزی کمپنیه‌لری تامانیدن عملگه آشیریله‌یاتگن و ایشی باشلنه‌دیگن لایحه‌لر حقیده بحث ایتگنلرینی بیلدیرگن.
بیانیه گه کوره، عزیزی جنابلری بو کمپنیه افغانستان‌ده تورلی لایحه‌لرنی جمله‌دن طبیعی گاز و کومیر قزیب آلیش همده برق انرژی ایشلب چیقریش لایحه‌لرینی عملگه آشیریش‌ده تعهدلیگی ایکنینی معلوم قیلگن.
اونگه کوره، ایندیلیکیده غزنی ولایتی و نغلو حدودلری و کابل‌ده قویاش‌دن برق ایشلب چیقریش لایحه‌لر ایشی دوام ایتماقده.
شو بیلن بیرگه، ملا عبدالغنی برادر، عزیزی گروپ کمپنیه‌لری سرمایه کیریتیشینی و بو کمپنیه‌لر تامانیدن اقتصادی لایحه‌لر ایشی باشلنیشینی مهم دیب، اوشبو لایحه‌لر عملگه آشیریلیشی بیلن، مملکتده اقتصادی ترقیات و ایش میزانی کمه‌یشیگه سبب بولیشینی معلوم قیلگن.
او، تیگیشلی وزیرلیک‌لر و اداره‌لردن، لایحه‌لرنی عملگه آشیریش بولیمیده عزیزی کمپنیه‌لری بیلن همکارلیک قیلیشلرینی سوره‌گن.
ایسله‌تیب اوته‌میز، بغلان ولایتی پلخمری تاش کومیر کانی و جوزجان ولایتیده آمودریا حوزه‌سی جنگل کلان گازینی قزیب آلیش، تیکشیریش و کینگه‌یتیریش شرطنامه‌سی، اسلام امیرلیگی باش وزیری‌نینگ اقتصادی اورین باسری ملا عبدالغنی برادر و میرویس عزیزی اشتراکیده، کانلر و پترولیم وزیرلیگی، امارتی کمپنیه‌لر عمومی ریاستی و عزیزی گروپ اورته‌سیده امضالندی.
