ایران مجلسی باشلیغی و امریکا بیلن مذاکره‌لرده ایران‌نینگ اینگ ییریک مذاکره‌چیسی محمدباقر قالیباف، بو مملکت برچه تهدیدلر و حربی اقداملر گه اینگ یوقاری درجه‌ده تیارگرلیک کورگنینی بیلدیردی.
ایسنا نشری گه کوره، قالیباف اوشبو سوزلرنی بوگون (۱۲ عقرب/۳ نومبر، سه‌شنبه) ایران مجلسی‌نینگ علنی ییغیلیشیده بیان قیلگن.
اونگه کوره، ایران برچه تهدیدلر و حربی اقداملر گه تسلیم بولمه‌یدی و بو مملکت اوزیدن دفاع قیلیش اوچون اینگ یوقاری درجه‌ده تیارگرلیک کورگن.
او، واسطه‌چیلیک سعی-حرکتلری دوام ایته‌یاتگن بیر پیتده تهران و واشنگتن اورته‌سیده‌گی کیسکین‌لیک کوچه‌یب باره‌یاتگنیگه توخته‌لیب، حاضر اوروش‌نینگ آلدینی آلیش مسئولیتی امریکا زمه‌سیده ایکنینی تأکیدله‌گن.
او، اوز سوزلری دوامیده ایران امریکا تامانیگه هم قطعی و منطقی جواب قیترگنینی قوشیمچه قیلگن.
ایسله‌تیب اوته‌میز، امریکا حربی کوچلری بوگون بامداد پیتی، ستراتیژیک اهمیت گه ایگه هرمز بوغوزی‌نینگ کیریش قسمی‌ده جایلشگن قشم آرالیده ایران ایریم هدف‌لریگه قرشی هجوم اویوشتیرگن بیرحالده، بو سوزلر ینگره‌ماقده.
