عمان و ایراننینگ ییریک رسمیلری، منطقهای برقرارلیک سقلهنیشی همده کیسکینلیکلر کمهیشی اوچون ایکی تامانلمه علاقهلر رواجلنیشی، قوشنیچیلیک مناسبتلر کوچلنیشی و دیپلماتیک امکانیتلردن فایدهلنیشگه تاکید قیلگنلر.
عمان تشقی ایشلر وزیرلیگینینگ بوگون بیر بیانیه آرقهلی یازیشیچه، اوشبو مملکت تشقی ایشلر وزیری بدر بن حمد البوسعیدی، ایران تشقی ایشلر وزیری سیدعباس عراقچی و پارلمان باشلیغی محمدباقر قالیباف بیلن مسقطده اوچرهشگن.
بیانیه اساسیده، ایکی تامان سونگی منطقهای اوزگریشلر و قوشمه منفعتلر توغریسیده ایکی تامانلمه علاقهلر مستحکملنیشی یوللری حقیده صحبت قیلگنلر.
شونینگدیک ایران و عمان، خلقارا حقوق اصولیگه عمل قیلیش، یخشی قوشنیچیلیک مناسبتلری و اونینگ منطقه امنیتینی سلقش همده هرمز بوغوزی و خلقارا دینگیز یوللریده کیمهلر خوفسیزلیگینی تامینلشدهگی رولیگه اورغولهگن.
عمان ایران بیلن یخشی مناسبتی بولیب، ایران و امریکا آرهسیدهگی نیچه مذاکرهنینگ میزبانی ایدی همده تهران و واشینگتن آرهسیدهگی کیسکینلیکلر کمهیشی اوچون هم سعیوحرکت قیلگن.
