تورکیه‌نینگ افیون قره‌حصار ولایتیده صادر بولگن قوراللی هجوم عاقبتیده سکیز کیشی هلاک بولدی، ینه بیر کیشی آغیر جراحت آلدی.
ییتکرمه‌لرنینگ معلوماتیگه کوره، واقعه ۱۴ عقرب/۵ نومبر، پنج‌شنبه کونی کیچ قورون افیون قره‌حصار ولایتی احسانیه تومنی‌گه قره‌شلی اوچته قیشلاقده صادر بولگن. واقعه طفیلی قربانلرنینگ جسدلری یوقاری تندیر، کییر و آیازینی قیشلاقلریدن تاپیلگن.
قوراللی هجومچی بیر موتر گه قرشی اوق اوزگندن سونگ واقعه جاییدن قاچگن و کیینچه‌لیک ایسکی شهر ولایتیده قولگه آلینگنی معلوم قیلینگن.
حاضرده، هجوم سببینی انیقلش اوچون تدقیقات آلیب باریله‌یاتگنی ایتیلگن.
