اطراف-محیط‌نی سقلش اداره‌سی‌نینگ اقلیم اوزگریشی باشلیغی روح‌الله امین، اسلام امیرلیگی بیرلشگن ملتلر تشکیلاتی‌نینگ اقلیم اوزگریشی بوییچه ییللیک کنفرانسی (کاپ) گه تکلیف ایتیلگنینی معلوم قیلدی.
آسوشیتدپرس نشری، ۱۲ عقرب/۳ نومبر، سه‌شنبه، اطراف-محیط‌نی محافظه قیلیش اداره‌سی‌نینگ اقلیم اوزگریشی باشلیغی گه اساسلنیب، اسلام امیرلیگی کاپ ۳۱ ییغیلیشیده رسمی روشده اشتراک ایتیشینی بیلدیرگن.
معلومات‌لر گه کوره، اسلام امیرلیگی کاپ ۳۱ ییغیلیشیده کوزه‌تووچی اوله‌راق تکلیف ایتیلگن و تورکیه‌نینگ بیر رسمی‌سی هم بو معلومات‌نی آسوشیتدپرس گه تصدیقله‌گن.
بیرلشگن ملتلر تشکیلاتی‌نینگ اقلیم اوزگریشی بوییچه ۳۱ نچی کنفرانسی کیله‌سی هفته تورکیه‌نینگ آنتالیا شهریده بولیب اوتیشی ریجه‌لشتیریلگن. اسلام امیرلیگی ایکی ییل اول هم آذربایجان پایتختی باکو شهریده اوتکزیلگن کاپ ییغیلیشیده کوزه‌تووچی صفتیده اشتراک ایتگن ایدی.
