الجزیره، بوگون (۱۲ عقرب/۳ نومبر، سه‌شنبه) خبر بیریشیچه، روسیه کوچلری‌نینگ اوکراین زاپوریژیا منطقه‌سیده انسان پرورلیک یاردم ترقه‌تیش مرکزیگه اویوشتیرگن هوا هجومی عاقبتیده کمیده ۲۶ کیشی هلاک بولگن و ینه ۲۷ کیشی بی‌درک یوقالگن.
اوکراین جمهور باشلیغی ولودیمیر زلنسکی‌نینگ ایتیشیچه، اوشبو مرکز زاپوریژیا ولایتی‌نینگ کومیشوواخا قیشلاغیده‌گی مکتب بناسیده جایلشگن. اوروش بیرینچی چیزیغی یقینلیگی سببلی مکتب‌ده تعلیم فعالیتی توخته‌تیلگن و بنا باش‌پنه همده انسان پرورلیک یاردم ترقه‌تیش مرکزی صفتیده فایده‌لنیلگن.
اوکراین رسمی‌لری‌نینگ معلومات‌لریگه کوره، هجوم قربانلری آره‌سیده ایکی نفر قوتقرو گروهی اعضاسی و تورت نفر پولیس خادمی هم بار. شونینگدیک، ینه بیش کیشی جمله‌دن ایکی نفر قوتقروچی جراحت آلگن و دوالنیش اوچون شفاخانه گه آلیب کیتیلگن.
زاپوریژیا شهری کینگش کاتبی رجینا خارچنکونینگ ایتیشیچه، هجومدن سونگ ۲۷ کیشی بی‌درک یوقالگن.
روسیه و اوکراین اورته‌سیده‌گی اوروش ۲۰۲۲ ییل فبروری آیی‌ده باشلنگن بولیب، خلق‌ارا همجمعیت‌نینگ صلح گه ایریشیش و جنگوار حرکتلرنی توخته‌تیش باره‌سیده‌گی سعی-حرکتلریگه قره‌می، حاضرگچه دوام ایتماقده.
