اوکراین رسمیلرینینگ اعلام قیلیشیچه، روسیه آرقهلی اوشبو مملکتنینگ نیچه شهریگه اویوشتیریلگن پهپاد و راکته هجوملری عاقبتیده، کمیده توقیز کیشی اولیب و ۳۱ کیشی یرهلنگن.
رویترز آژانسینینگ گزارش بیریشیچه، روسیه بوگون ایرتهلب (۲۵-جوزا/۱۵-جون، دوشنبه)، کییف و اوکرایننینگ باشقه نیچه منطقهسینی نشانگه آلگن.
محلی رسمیلر، اوکراین پایتختیده تورت کیشی اولیب و ۲۳ کیشی یرهلنگنینی ایتگنلر. خارکیف شهریده هم یاردم بیرووچی بیش کیشی اولیب و باشقه بیش کیشی یرهلنگن. شونینگدیک سومی منطقهسیده ایسه بیر باله شامل اوچ کیشی یرهلنگن.
اوکراین رسمیلریگه کوره، روسیه هجوملری یشش بنالر و برق ترماغیگه زیان ییتیشتیریب و کییفده قریب ۱۴۰ مینگ کیشی برقسیز قالگن.
روسیه و اوکراین اوروشی ۲۰۲۲-ییل فبروری آییده باشلهنیب و حاضر مذکور اوروشدن بیش ییل بولگن. آتیش کیسینگه ایریشیش و تینچلیک مذاکرهلری باشلنیشی اوچون بولگن خلقارا سعیوحرکتلر حاضرگچه نتیجه بیرمهگن.
