روسیه و اوکراین رسمیلرینینگ اعلام قیلیشیچه، پهپادی هجوملرنینگ اینگ ینگی تولقینیده، اوکراین کوچلری روسیهنینگ تورلی منطقهلریدهگی نیچه صناعتی و انرژی قوریلمهلرینی نشانگه آلگن.
روسیهنینگ ساراتوف منطقهسی حاکمی رومان بوسارگیننینگ بوگون ایتیشیچه، اوکرایننینگ کیچه تامان اویوشتیرگن پهپادی هجوملری نتیجهسیده، بو منطقهدهگی تینچاهالی آستقورمهلریدن قطاری زیان کورگن.
شوندهی بیرحالده، اوکراین حربیسی ساراتوف نفتنی قیته ایشلش کارخانهسینینگ نشانگه آلگنینی تصدیقلهگن، بیراق مسکو نظارتی آستیدهگی منطقهلرده جایلشگن زاپوریژیا هستهای مرکزیگه هجوم اویوشتیریلگنی توغریسیدهگی روسیه عیبلاولرینی رد قیلگن.
بو بیلن بیرگه، روسیه رسمیلری شونینگدیک کیروف منطقهسیده باشقه قوریلمهلرگه پهپادی هجوملریدن خبر بیرگن.
شونینگدیک روستوف، ورونژ و بلگورود منطقهلری رسمیلری، بو کبی هجوملر اویوشتیریلگنینی ایتگن. گزارش اساسیده، اوشبو هجوملر سبب بلوگورود منطقهسیده، اوچ تینچاهالی یرهلنگن.
