اوکراین جمهور باشلیغی ولودیمیر زلنسکی، بو مملکت حربی کوچلری روسیهنینگ جنوبغربیده اورنبورگ حدودلریده گاز آست قوریلمهلرینی نشانگه آلگنینی بیلدیردی. بو حدود اوکراین چیگرهسیدن بیرمینگ ۵۰۰ کیلومتر اوزاق.
زلنسکی، ۲۲ ثور/۱۲ می، سهشنبه کونی شام پیتی ویدیو فایلده ایتیشیچه، بو هجوم روسیهنینگ اوکراین حدودلریگه کیچه هجوملریگه جواباً اویوشتیریلگن.
شو بیلن بیرگه، اورنبورگ حاکمی اوگنی سولنتسف، روسیه حربی کوچلری اوشبو حدود آسمانیده اوکراین تامانیدن اوچیریلگن ۹ دران یوق قیلینگنینی ایتگن.
اونینگ ایتیشیچه، یوق قیلینگن درانلر قالدیقلری بیر یشش بنا، بیر مکتب و بیر بالهلر باغچهسیگه ضرر ییتکزگن، بیراق جانی تلفاتی بولمهگن.
بو هجوملر، امریکا قوشمه ایالتلری جمهور باشلیغی دونالد ترامپ واسطهچیلیگی بیلن روسیه و اوکراین اورتهسیده اوچ کونلیک آتیش کیسین یکونیدن سونگ اویوشتیریلگن.
