حماس و اسرائیل اورته‌سیده آتیش کیسین بولیشیگه قره‌می، غزه‌ده سونگی ۲۴ ساعت ایچیده اسرائیل حربی کوچلری‌نینگ هجوملریده ۸ کیشی اولگن.
آنادولو ییتکرمه‌سی، بوگون (۹ میزان/۱ اکتوبر، پنج‌شنبه) ترقه‌تگن خبری‌ده، غزه‌ده آتیش کیسین بولیشیگه قره‌می، اسرائیل حربی کوچلری هجوملریگه دوام بیرماقده و اونینگ نتیجه‌سیده سونگی ۲۴ ساعت ایچیده ۸ کیشی هلاک بولگن و ینه ۲۶ کیشی یره‌لنگنینی معلوم قیلگن.
غزه ساغلیق‌نی سقلش وزیرلیگی معلوماتیگه کوره، میلادی ۲۰۲۵-ییل، ۱۰ اکتوبردن بیری غزه‌ده اسرائیل‌نینگ هجوملریده بیرمینگ ۴۳۹ کیشی قربان بولگن و ینه بیش مینگ ۵۲ کیشی یره‌لنگن.
ایسله‌تیب اوته‌میز، میلادی ۲۰۲۳-ییل اکتوبر آیی‌ده اسرائیل‌نینگ غزه گه هجوملریدن بیری ۷۴ مینگ ۴۰ فلسطین‌لیک قربان بولگن و ینه ۱۷۵ مینگ ۱۶۸ کیشی یره‌لنگن. حاضرگه قدر مینگلب جسد توپراق آستیده قالیب کیتگنی ایتیلگن.
