سرپل ولایتی سنچارک تومنی و فاریاب ولایتی اندخوی تومنیده، اوزبیک تیلی ملی کونیدن محلی اهالی، تیل شیدالری، بیلیم یورتی استادلری، دین علمالری، آقسقاللر و فعاللرنینگ اشتراکی بیلن طنطنه‌لی شکلده نشانلندی.
تدبیرلر، بوگون (۱ عقرب/۲۳ اکتبر، جمعه) بولیب اوتدی و اونده سوز یوریتگنلر اوزبیک تیلی‌نینگ رواجلنیشی، ترقیاتی و کیله‌سی اولادلر گه ییتکزیش حقیده علیحده توخته‌لیب اوتدیلر.
اشتراکچیلر شونینگدیک، دولت عملدارلریدن، باله‌لر گه آنه تیلیده تعلیم بیریلیشی و اوزبیک تیلیده یازیله‌دیگن کتابلر چاپ ایتیلیشی حقیده اعتبار قره‌تیشنی طلب قیلدیلر.
تدبیر دایره‌سیده، اوزبیک خلقی گه عاید تورلی خیل طعاملر، کتابلر و باشقه ایریم نرسه‌لر کورگزمه گه قوییلیب و اشتراکچیلر گه هم اونلب کتاب ترقه‌تیلدی.
