افغانستان اوزبیک خلقینینگ اجتماعی ترماقلردن فایدهلنوچیلری، قویاش ۱۴۰۵ ییل کانکور سیناوی اوتکزیلیش جریانی باشلنیشی بیلن، بو بولیمنی تنلش کمپاینینی باشلهگنلر.
اولر، کانکور سیناویده اوزبیک بولیمینی اونتمنگ مراجعتی بیلن کانکور اشتراکچیلرینی اوشبو بولیمنی تنلشگه ترغیب قیلماقده.
افغانستان اوزبیک خلقینینگ یازووچیلریدن بیری دوکتور عزیزالله ارال، کانکور اشتراکچیلریگه مراجعت قیلیب شوندهی دیب یازگن: «اوز تیلینی اوزی قوللمهگن ملتنینگ اورنینی باشقهلر ایگللهیدی. اوزبیک تیلی و ادبیاتی بولیمیگه قیزیقیش بیلدیرهیاتگن هر بیر یاش – ملت کیلهجگی یعنی اوز کیلهجگی اوچون خدمت قیلهیاتگن انسان دیر.»
کابل بیلیم یورت استادی عبدالحنان قیلیچ ارسلان هم، کانکور اشتراکچیلریگه مراجعت قیلیب آنه تیلگه خدمت قیلیش و اونگه حرمت قیلیش اوچون مملکت بیلیم یورتلریده اوشبو بولیمنی تنلش گه ترغیب قیلگن. او شوندهی دیب یازگن. «آنه جان و آته جان دیب عایلهنگیزده سوزلب تورگن تیلینگیز گه و سیزنی برچه قانون-قاعدهلر گه تینگ تربیهلب و وایه گه ییتکزگن آنه تیلگه حرمت قیلهمن دیسنگیز، التماس کانکور سیناویده اوزبیک تیلی و ادبیاتی بولیمینی تنلنگ.»
اوزبیک ضیالیلریدن بولمیش عبدالله اوچقون کریمی هم شوندهی دیگن: «آنه تیلیمیز و بای تاریخیمیزنی سقلب قالیش، اونی یاش نسل قلبیگه سینگدیریش، هر بیر وجدانلی انساننینگ مقدس بورچی دیر.»
امتحانلر عمومی ادارهسی، بوگون (۲۴ ثور/۱۴ می، پنجشنبه) بیر بیانیه ترقهتیب قویاش ۱۴۰۵ ییل کانکور سیناوی ۱۵ ولایتده باشلنگنیدن خبر بیردی.
