ایکینچی میزان – تورکمن تیلی ملی کونی جوزجان ولایتی مرکزی شبرغان شهریده مدنی تدبیر اوتکزیش آرقهلی نشانلندی.
اوشبو تدبیر، تورکمن خلقی‌نینگ قدریت‌لری و مدنیتینی ترغیب قیلیش همده تاریخینی تنیشتیریش مقصدیده بوگون (۲ میزان/۲۴ سپتمبر، پنج‌شنبه) تورکمن تیلی شیدالری و مدنیت سیورلری تامانیدن اوتکزیلدی.
ایریم مدنیت سیورلر، بیلیم یورتی استاذلری و یاش‌لر اوشبو تدبیرنینگ اوتکزیلیشینی آلقیشلب تورکمن‌لر یشه‌یدیگن حدودلرده‌گی مکتب‌لرده بو تیل‌ده اوقیتیلیشینی سوره‌یدیلر.
تورکمن تیلی ملی کونی سابق حکومت دوری‌ده رسماً تن آلینگن و ایکینچی میزان افغانستان‌نینگ رسمی تقویمی گه اوشبو تیل‌نینگ ملی کونی صفتیده کیریتیلگن. بو کون هر ییلی مملکت‌نینگ ایریم حدودلریده مدنی و ادبی تدبیرلر اوتکزیش آرقهلی نشانلنه‌دی.
