اوزبیکستان جمهور باشلیغی شوکت میرضیایف، آذربایجان گه عملی تشریف دایره‌سیده بو مملکت جمهور باشلیغی الهام علی‌اوف بیلن اوچره‌شدی.
اوزبیکستان جمهورلیک ریاستی، ۲۲ میزان/۱۴ اکتوبر، چهارشنبه ترقه‌تگن بیانیه‌سیده، تامانلر اوشبو اوچره‌شووده اوزبیکستان و آذربایجان اورته‌سیده‌گی استراتیژیک همکارلیک‌لر کینگه‌یتیریلیشی گه توخته‌لیب و جاری ییل آگست آیی‌ده الهام علی‌اوف‌نینگ اوزبیکستان گه رسمی تشریفی دایره‌سیده امضالنگن کیلیشوولر عملگه آشیریلیش مسئله‌لری حقیده بحث ایتگنلرینی بیلدیرگن.
معلومات‌لر گه کوره، جاری میلادی ییل باشیدن حاضرگچه اوزبیکستان و آذربایجان اورته‌سیده سودا آلیش-بیریش حجمی ۳۰ فایز گه آشگن.
شونینگدیک، اوزبیکستان و آذربایجان ییتکچیلری، سوزلری دوامیده منطقه و خلق‌ارا مسئله‌لر بوییچه توخته‌لیب و کیلگوسی ریجه‌لرینی کوریب چیققنلر.
