آذربایجان جمهور باشلیغی الهام علیاوف، باکو شهریده مذهبی رهبرلر بیلن اوچرهشووده تورک دنیاسی، قفقاز و اسلام دنیاسی بیر بولسه، اولرنی برچه تهدیدلر گه قرشی کوچلی قیلهدی.
آذربایجان جمهور باشلیغی الهام علیاوف، ۲۴ سنبله/۱۵ سپتمبر، سهشنبه کونی اوشبو مملکت پایتختی باکو شهریده مذهبی رهبرلر بیلن اوچرهشووده، تورک دنیاسی، قفقاز و اسلام دنیاسی متحد بولسه، اولرنی کوچلی قیلیب و اولر گه هیچ کیم ضرر ییتکزه آلمسلیگینی ایتگن.
علیاوف جنابلری، اوز سوزلری دوامیده، باسقین دوریده اوشبو مملکتنینگ کورگن ضررلریگه توختهلیب، و اوشبو وقتده مسجدلر هم نشانگه آلینگنینی معلوم قیلگن.
آذربایجان جمهور باشلیغی باسقین دوریده ۶۵ ته مسجد بوزیلگنینی بیلدیریب، بعضی مسجدلرده اتهیلب چوچقه (خوک) و سیگیر سقلنگنینی قوشیمچه قیلگن. علیاوف، بونی آذربایجان خلقی بیلن بیر قطارده بوتون اسلام دنیاسیگه نسبتن حقارت دیب اتهگن.
الهام علیاوف، بوندهی سیاست گه اینگ کوچلی جواب، تورک دنیاسی، قفقاز و اسلام دنیاسینینگ متحد بولیشی دیگن.
