افغانستان اوچون اختصاص بیریلگن امانی صندیغی، اوشبو اولکه نینگ کوپینچه قسملری اوتگن اوروشلردن قالگن پارتلاوچی ماینلر بیلن افلاسلنگن و بو ماده‌لر افغانستان یشاوچیلری‌نینگ حیاتینی تهدید قیلیشی حقیده آگاه‌لنتیرگن.
مذکور اداره بوگون (۱۴ عقرب/۵ نومبر، پنج‌شنبه) ایکس صحیفه‌سیده، بیرلشگن ملتلر تشکیلاتی همکارلیگی بیلن قندوز و بغلان ولایتلریده پارتلاوچی ماده‌لر بیلن افلاسلنگن ۷۲ مینگ مترمربع‌دن آرتیق ییرنی تازه‌لگنینی معلوم قیلگن.
افغانستان اوچون اختصاص بیریلگن امانی صندیغی، قندوز و بغلان‌ده‌گی عایله‌لرگه هم پارتلاوچی ماده‌لرنینگ پارتلش خطرلری حقیده خبردارلیک بیریلیشینی سوره‌گن.
بوندن آلدین، افغانستان‌ده بیرلشگن ملتلر تشکیلاتی نماینده‌لیگی (یوناما)، افغانستان اوروشدن قالگن پارتلاوچی ماده‌لر طفیلی اینگ تلفاتی کوپ بولگن اوچینچی اولکه ایکنینی بیلدیرگن ایدی.
