بدخشان ولایتی‌نینگ بهارک تومنیده ۸ میلیون افغانیدن آرتیق مبلغ عوضی گه، ۱۵ ته پیاز سقلش امباری قوریلدی. اوشبو امبارلر ۲۵۰ تُن‌دن آرتیق پیازنی سقلش امکانیتیگه ایگه.
بدخشان ایکینچیلیک ریاستی‌نینگ میوه-سبزه‌واتچیلیک‌نی رواجلنتیریش بولیمی مدیری روح‌الله‌نینگ ایتیشیچه، مذکور امبارلرنی قوریش خره‌جتلری ایکینچیلیک وزیرلیگی بودجه‌سیدن تأمینلنگن و اونینگ ۶۰ فایزینی حکومت، قالگن ۴۰ فایزینی ایسه دهقانلر توله‌گن.
ایریم دهقانلرنینگ ایتیشیچه، ایلگری امبارلر یوقلیگی سببلی ییتیشتیریلگن محصولات‌نینگ کتته قسمی بوزیلیب کیتیب یا که اولرنی ارزان نرخ‌ده ساتیشگه مجبور بولیشلر ایدی. اولرنینگ فکریچه، اوشبو امبارلرنینگ برپا ایتیلیشی نتیجه‌سیده ایندیلیکده محصولات‌لرنی سقلش و قوله‌ی وقتده ساتیش امکانیتی یره‌تیلگن.
امبارلر و ساووقخانه‌لرنینگ آزلیگی، افغانستان‌ده زراعت محصولات‌لرینی سقلش ساحه‌سیده‌گی اساسی معمالردن بیری حسابلنه‌دی؛ بو معما دهقانلر محصولات‌لری‌نینگ بیر قسمی نابود بولیشیگه و اولرنینگ درآمدی کمه‌یشیگه سبب بولماقده.
