اسلام امیرلیگی ایکینچیلیک، سووغاریش و چاروهچیلیک وزیرلیگی، قویاش ۱۴۰۴ ییل دوامیده، مملکت مقیاسیده ۱۵۸ مینگ ۲۰۵ متریک تُن «پخته» ییتیشتیریلگنینی بیلدیردی.
اوشبو وزیرلیک، بوگون (۱۶ دلو / ۵ فبروری، پنجشنبه) بیر بیانیه ترقهتیب بو حقده خبر بیردی.
بیانیه گه کوره، مملکت مقیاسیده ۱۰۴ مینگ ۲۳۶ هکتار ییر پخته ایکیلیشی اوچون اجرهتیلگن و یخشی حاصل بیرگن.
ایکینچیلیک وزیرلیگی بیانیهسیده، اوشبو مقدار پخته اینگ کوپ بلخ، جوزجان، هلمند و قندهارده ییتیشتیریلگن و بو ولایتلردن سونگ تخار، قندوز، بغلان، سمنگان، فراه، ننگرهار و نیمروز ولایتلریده ایکیلیب و یخشی حاصل آلینگنی قید ایتیلگن.
پخته، افغانستاننینگ ایکینچیلیک و صادرات مهم محصولاتلریدن حسابلنهدی، یخشی بازاری و قیمتی مناسبلیگی اوچون کوکنار ایکینیگه مقابل محصولات صفتیده اعتراف ایتیلگن.
