اسلام امیرلیگی سوزلاوچیسی ذبیحالله مجاهد، «متحد جبهه»سی فقط اجتماعی ترماقلرده فعالیت یوریتهیاتگنینی بیلدیردی.
مجاهد، بوگون (۱۱ اسد/۲ آگست، یکشنبه) حکومت مطبوعات نگاهیده دستوریده ایتیشیچه، افغانستانده هیچ قندهی جبهه فعالیت یوریتمهیدی و شونینگدیک، اسلام امیرلیگی هیچ بیر گروه گه فعالیت قیلیشگه ایزین بیرمهیدی. او شوندهی دییدی: «سیزلردن بیری متحد جبههسیدن آت توتدی؛ بو جبههنینگ آتی فقط اجتماعی ترماقلرده دیر؛ افغانستانده هیچ قندهی جبههنینگ فیزیکی حضوری یوق و بونی هیچ کیم اویلمهسین، چونکی افغانستانده واحد حکومت بار.»
اسلام امیرلیگی سوزلاوچیسینینگ کوپهیتیریشیچه، مذکور جبهه اوتمیشده حضوری بار ایدی و ایندی ینگی نامده افغانستاننی ناتینچ قیلیشگه حرکت قیلماقده. اونگه کوره: «شبههسیز بوزغونچی گروهلر بار و تورلی استخبارات خذمتیده؛ اولرنینگ حقیده معلوماتیمیز یوق و افغانستان خلقی اولر گه ایزین بیرمهیدی.»
بو سوزلر، سابق حکومت اردوسی قوماندانلریدن بولگن سمیع سادات ییتکچیلیگیده «متحد جبهه»سی، اوتگن کونی اسلام امیرلیگیگه قرشی هجوم اویوشتیریشنی ادعا قیلگن بیرحالده ینگرهماقده.
