اسلام امیرلیگی فواید عامه وزیرلیگی مسئوللری، قویاش ۱۴۰۵ییل‌نینگ دستلبکی آلتی آیی دوامیده، مملکت تیمیر یوللری آرقه‌لی یوک تشیش ایکی برابر گه آشگنیدن خبر بیردیلر.
فواید عامه وزیرلیگی سوزلاوچیسی محمداشرف حق‌شناس، بوگون (۱۴ عقرب/۵ نومبر، پنج‌شنبه) ایکس صحیفه‌سیده بیر بیانیه ترقه‌تیب، اوشبو یوک توارلری کوپراق حیرتان، آقینه، تورغندی و خواف-هرات یونه‌لیشلری آرقه‌لی عملگه آشیریلگنینی معلوم قیلدی.
بیانیه گه کوره، مذکور یونه‌لیشلر آرقه‌لی جمعی تورت میلیون ۸۸۸ مینگ ۲۶۸ متریک تُن سودا توارلری تشیلگن. عین‌حالده، قویاش ۱۴۰۴-ییل‌نینگ دستلبکی آلتی آیی‌ده اوشبو یوللر آرقه‌لی ایکی میلیون ۱۸۲ مینگ ۳۱۲ متریک تُن توار تشیلگن ایدی، بو رقم جاری ییلده مملکت تیمیر یوللری آرقه‌لی یوک تشیش ایکی برابر گه آشگنینی کورسته‌دی.
