شمالی کوریا رهبری کیم جونگ اون و چین خلق جمهوریتی باشلیغی شی جینپینگ، بو ایکی مملکت مناسبتلرینی ینگی باسقیچگه آلیب چیقیشگه کیلیشیب آلگنلر.
معلوم قیلینیشیچه، شمالی کوریا و چین رهبرلری ایکی تامانلمه همکارلیکلرنی مستحکملش اینیقسه سیاسی، اقتصادی و فرهنگی ساحهلرده کیلیشیب آلگنلر.
کیم جونگ اون، نطقیده پیونگ یانگ پکن بیلن مناسبتلرنی ینگی باسقیچگه آلیب چیقیشگه تیار ایکنینی و ایکی دولت اورتهسیدهگی «استراتیژیک مناسبت»لر نی ینهده مستحکملش نیتینی بیلدیرگن.
اونینگ ایتیشیچه، اوتکزیلگن مذاکرهلرده ایکی مملکت خلقلری فراوانلیگی اوچون سیوسیالیزم یولیده همکارلیکنی رواجلنتیریشگه بولگن عمومی اراده ینه بیر بار تصدیقلنگن.
شی جینپینگ ایسه شمالی کوریا گه ایلیق قبول اوچون منتدارلیک بیلدیریب، ایکی دولت اورتهسیدهگی همکارلیکنی رواجلنتیریش بوییچه اوزارا توشونچه گه ایریشیلگنینی ایتگن.
چین جمهور باشلیغی شی جینپینگ، ۱۸ جوزا/۸ جون، دوشنبه کونی کوریا خلق دموکراتیک جمهوریتی رهبری کیم جونگ اون تکلیفی گه بناً ایکی کونلیک سفر بیلن پیونگ یانگ گه بارگن ایدی.
شی جینپینگ، ییتی ییلدن سونگ شمالی کوریا گه بارگن.
