سوز ایرکینلیگی اویی اسلامی امارت تامانیدن خبرچیلر و رسانهلر ایشلاوچیلری گه زوروانلیک، قولگه آلینیش، تهدید و رسانهلر گه باسیم کیلتیریش عمللری دوام قیلیشیدن خواطر بیلدیریب و ایتگن که، سرپرست حکومت تامانیدن اعلان بولگن اوشبو اقدام معلومات گه قول تاپیش نی نقض قیلهدی.
مذکور نهاد بوگون بیر اعلامیه ترقهتیب ایتگن که، سونگی اوچ کونده، اسلامی امارت کوچلری ایکی خبرچی نی قولگه آلیب و کلتکلگنلر. آریانانیوز تلویزیونی نینگ خبرچی سی محب جلیلی و راه فردا رادیو نینگ خبرچیسی علیرضا شهیر قولگه آلینیب و کلتکلنگن.
بیزلرنینگ فیسبوک صحیفهمیزگه باش اورینگ!
اعلامیهده کیلگن که، افغانستانده اسلامی امارت نینگ قدرت گه ایریشگنیدن بیری، رسانهلر باسیم و جدی تهدیدلر بیلن روپهرو بولگنلر. اعلامیه اساسیده، مذکور پیتده ۸۰دن آرتیق خبرچی و رسانه ایشلاوچی قولگه آلینیب و کلتکلنگن. کمیده ۶۴۰۰ خبرچی و رسانه ایشلاوچی ایسه ایشسیز قالیب و شونینگدیک کمیده ۲۳۰۰ رسانه یاپیلگن.
سوزایرگنلیگی اویی نینگ اورغولشیچه، حاضرگچه اسلامی امارت اوشبو واقعهلردن هیچ بیری گه جواب بیرمهگن و رسانهلر بیلن مناستیده هیچ قندهی اوزگریش کیلمهگن.
اوشبو نهاد نینگ کوپهیتیریشیچه: «سوزایرکنیلیگی اویی، خبرچیلر برابریده هرقندهی کیتکلنیش، قولگه آلینیش، تهدید و باسیم نی انسانی ارزشلر گه قرشی دیب، اسلامی امارتدن، معلومات گه قول تاپیش، عامهوی اخبارات واسطهلری قانون_قاعدهلری و افغانستان خلقی سوز ایرکینلیگی حقینی ایاغ آستی قیلمهی و سوز ایرکینلیگینی رعایت قیلیشلرینی سورهیدی.»
بیزلرنینگ توییترده هم تعقیب قیلینگ!
شونینگدیک سوزایرکنیلیگی اویی رسانهلردن حمایت قیلووچی خلقارا نهادلر، افغانستانده بیرلشگن ملتلر تشکیلاتی و اروپا بیرلشمه نمایندهلریدن، افغانستانده خبرچیلر و رسانهلر نی اوتوتمهی وافغانستان اهالیسی نینگ یوتوقلری و سوزایرکینلیگی گه انسانی حقوقی صفتیده حرمت قایل بولیب و خلقارا میثاقلری نینگ نقضیدن قول تارتیشلری اوچون اسلامی امارت گه باسیم کیتیریشلرینی ایستهگن.
شوندهی بیرحالده، اوتگن کون، اسلامی امارت خبرچیلر گه کابل غربیدهگی یوزبیرگن پارتلش نی پوشش بیریش اوچون رخصت بیرمهی و شونگه علاوه، خبرچیلر وسیلهلری نی ضبط قیلیب، شونینگدیک اولردن قطاری نی قولگه آلیب و کلتکلگن.