افغانستان ایرکین میدیالریدن حمایت قیلوووچی نهاد (نی)، یک‌شنبه کونی، ۲۸ حوت، بیر بیانیه ترقه‌تیب ایتیشیچه، بوگون ۱۴۰۱_ییل نینگ سونگی کونی دیر، مذکور تشکیلات نینگ یازیشیچه، افغانستان ده‌گی خبرچیلر و میدیالر اوشبو ییل نی تورلی خیل قیینچلیکلر و خواطرلر بیلن اوتکزگن.
افغانستان ایرکین میدیالریدن حمایت قیلووچی نهاد گه کوره: «اوتگن بیر ییل ده میدیالر تورلی خیل قیینچیلیکلر و چیکلاولر بیلن روپه‌ره ایدی. ییل نینگ سونگی کون‌لریده خبرچیلر و میدیا ایشلاوچیلری گه قرشی زوروانلیکلر کوچه‌یشیگه گواه ایدیک.»
بیزلرنینگ فیسبوک صحیفه‌میزگه باش اورینگ!
نی نینگ کوپه‌یتیریشیچه، ۱۴۰۱_ییل ده افغانستان ده خبرچیلر جسمانی و روحی مصونیت گه ایگه ایمس ایدیلر. اوشبو تشکیلات گه کوره، اوتگن بیر ییل ده خبرچیلر و میدیا ایشلاوچیلری قیغولی واقعه‌لر گواهی بولیب و اولردن بیرقطاری قربان و باشقه بیرقطاری روحی قیینچیلیک بیلن دوچ بولگنلر.
نی نینگ یازیشیچه: «قطار خبرچیلر وظیفه‌لرینی قولدن بیریب و حتا مملکت نی ترک ایتیش گه مجبور بولگنلر. اقتصادی قیینچیلیک باعث افغانستان ده‌گی ۵۰ فایز میدیالر نینگ فعالیتی توخته‌گن و قالگن میدیالر نینگ احوالی اونچه‌لیک یخشی ایمس. بو وضعیت خبرچیلر و میدیالر نینگ خواطری کوچه‌یشیگه سبب بولگن.»
افغانستان ایرکین میدیالریدن حمایت قیلووچی نهاد، خبرچیلر، میدیالر حمایه‌چیلری و خلق‌ارا تشکیلات‌لردن، افغانستان ده‌گی خبرچیلر و میدیالرنی قوللب_قوتلشینی طلب قیلگن.
بیزلرنینگ توییترده هم تعقیب قیلینگ!
شونینگدیک نی، مسئول رسمی‌لردن خبرچیلر نینگ خوفسیزلیگی و مصونیتی اوچون چاره تدبیر کوریش‌لرینی سوره‌گن.
عین‌حالده، سونگی بیر یریم ییل ده، افغانستان ده‌گی میدیالردن قطاری اقتصادی قیینچیلیک و اسلام امیرلیگی تامانیدن یره‌تیلگن چیکلاولر طفیلی، فعالیت‌لرینی توخته‌تیب و نتیجه ده یوزلب خبرچی و میدیا ایشلاوچیلری بیکار بولگنلر.
