تورکیه نینگ هاتای ولایتی «آواکینت» منطقه‌سیده یشه‌یدیگن افغانستان فقرالریدن قطاری، زلزله باعث زیان کوریب و بیرقطاری ایسه اولیب و یره‌لنگن یا ده عایله اعضالریدن بیرینی قولدن بیرگن.
تورکیه نینگ هاتای ولایتی آواکینت منطقه‌سی یشاوچیلریدن باشقه بیری ایشان امین گه کوره، ییل‌لردن بویان اوشبو منطقه ده تیریکچیلیک قیلیب کیلگن، سونگی دهشتلی زلزله باعث یشش اوی بوزیلیب، ابه‌سی وخاله‌سی قربان بولگنلر.
اونگه کوره: «قرینداش‌لریمیز وفات ایتدیلر، زلزله بیر ابه‌م و بیر خاله‌منی بیزدن آلدی.»
بیزلرنینگ فیسبوک صحیفه‌میزگه باش اورینگ!
افغانستان خلقی نینگ تیریکچیلیگی بولگن آواکینت منطقه‌سیده یشش بنالردن قطاری، زلزله باعث بوزیلیب و یشاوچیلری حاضر وقتینچه‌لیک خیمه‌لر آستیده حیات کیچیریشماقده.
زلزله یوز بیرگن منطقه گه بارگن افغانستان سابق حکومتی ساغلیق‌نی سقلش وزیرلیگی نینگ معینی فدامحمد پیکان نینگ ایتیشیچه: «بو ییرده‌گی‌لر کوپ زیان کورگن و کوپ سانده بنالر بوزیلگن یعنی بو انسان‌لر اوزاق زمان گچه یاردم گه نیازمندلر.»
تورکیه ده افغانستان یشاوچیلریدن غفور توران گه کوره: «بو ییرده کوپ سانده انسان‌لر قربان بولگن و سان_سناق‌سیز مالی زیان ییتکیزیلگن، قریب ۹۵ فایز یشش اوی‌لر بوزیلگن.»
بونگه علاوه، تورکیه نینگ زلزله یوز بیرگن منطقه‌لریده زیان کورگن افغانستان یشاوچیلری، قیینچیلیکلری حلی اوچون دقت قیلینمسلیگیدن شکایت قیلماقده‌لر.
تورکیه ده تیریکچیلیک قیلیش اوچون قانونی مدرک‌لری بولمه‌گنلر گه کوپراق دقت قیلینمسلیگی ایتیلگن.
بیزلرنینگ توییترده هم تعقیب قیلینگ!
تورکیه ده افغانستان یشاوچیلریدن شاداب ژکفر گه کوره: «یاردم‌لر بیزگه اونچه‌لیک ییتمه‌یپتی، قانونی مدرک‌لری بولمه‌گن مهاجرلر قیینچیلیکلری حلی و یره‌لرینی دوالش اوچون یاردم سوره‌ی آلمه‌یدیلر.»
عین‌حالده، انقره ده افغانستان ایلچیخانه‌سی، تورکیه ده زلزله باعث زیان کورگن یشاوچیلر نینگ قیینچیلیکلری حلی اوچون سعی‌وحرکت قیلینه‌یاتگنیدن ایشانچ بیره‌دی.
انقره ده، افغانستان ایلچیخانه‌سی اورین باسری محمدمصدق فقیری نینگ سلام‌وطندار گه ایتیشیچه: «بونده‌ی بیر قلتیس شرایط ده کمچیلیکلر بولیشی طبیعی دیر، اوشبو ولایت‌لر گه باغلیق یوللر گوجوم دیر، بیز نینگ معلوماتی‌میز اساسیده ترانسپورتی قیینچیلیک هم بار، برچه کیشی‌لر گه یاردم کورسه تیله‌دی، ینگی‌لیکده تیمی‌میز مالاتیا گه ییتیب بارگن.»
محل یشاوچیلری تامانیدن سلام‌وطندار گه بیریلگن معلومات اساسیده، تورکیه ده زلزله باعث حاضرگچه ۱۵۰ افغانستان یشاوچیسی هلاک بولگن و باشقه ایکی مینگ دن آرتیق کیشی نینگ یشش اوی‌لری بوزیلگن.
اوتگن هفته دوشنبه کونی بامداد چاغی و توش دن کیین، تورکیه و سوریه نینگ بیر قطار حدودلریده کوچلی زلزله یوز بیریب و ایکی مملکت نینگ ۲۸ دن آرتیق یشاوچیلری قربان بولگنلر.
