تورکیه جمهور باشلیغی رجب طیب اردوغان اوکراین جمهور باشلیغی ولودیمیر زلنسکی بیلن اوچره‌شوودن سونگ، روسیه و اوکراین‌دن قاره دینگیزده فقرالیک کیمه‌لریگه قرشی هجوملرنی توخته‌تیشنی سوره‌گن.
آنادولو بوگون (۱۰ عقرب/۱ نومبر، یک‌شنبه) ترقه‌تگن گزارشیده یازیشیچه، اردوغان منطقه‌ده کیسکین‌لیک‌نینگ کوچه‌یشی تامانلرنینگ هیچ بیریگه فایده کیلتیرمسلیگینی تأکیدله‌گن. شونینگدیک ایکی دولت جمهور باشلیغ‌لری قاره دینگیز آرقه‌لی ینگی دان یوله‌گینی تشکیل ایتیش بوییچه همکارلیک قیلیش گه کیلیشیب آلگنلر.
تامانلر شونینگدیک، تورکیه و اوکراین اورته‌سیده‌گی همکارلیک‌لرنی کینگه‌یتیریش، منطقه و خلق‌ارا اوزگریش‌لر جمله‌دن روسیه و اوکراین اورته‌سیده دوام ایته‌یاتگن اوروش حقیده فکر المشتیرگن.
عینی پیتده، امریکا قوشمه ایالتلری هم قاره دینگیزده‌گی توقنشوولرنی توخته‌تیش و دان تشیش ترانسپورتینی قیته تیکلش باره‌سیده خلق‌ارا سعی-حرکتلرنی کوچه‌یتیریش حقیده معلوم قیلگن.
ایسله‌تیب اوته‌میز، اوکراین جمهور باشلیغی ولودیمیر زلنسکی اوتگن کون بیر هیئت باشچیلیگیده تورکیه گه سفر قیلدی.
