روسیه تشقی ایشلر وزیری سرگئی لاوروف، هندوستان تشقی ایشلر وزیری جی شنکر بیلن اوچرهشووده، افغانستان وضعیتی حقیده سوزلشگن.
روسیه تشقی ایشلر وزیرلیگی، بوگون (۳ سنبله/۲۵ آگست، سهشنبه) بیر بیانیه ترقهتیب، تامانلر مسکوده اوچرهشگنینی معلوم قیلگن.
بیانیه گه کوره، روسیه و هندوستان تشقی ایشلر وزیرلری، افغانستان وضعیتی حقیده بحث ایتیش یانیده، ایران و اوکراین اوروشی بارهسیده توختهلیب اوتگن.
لاوروف و شنکر، بیرلشگن ملتلر تشکیلاتی، شانگهای همکارلیک تشکیلاتی، بریکس و ۲۰ گروهده روسیه و هندوستان هماهنگ بولیشلریگه تأکیدلهگنلر.
روسیه تشقی ایشلر وزیرلیگی بیانیهسیده، تامانلر برچه ساحهلرده ایجابی قرار قبول قیلیش گه کیلیشگنلری قوشیمچه قیلینگن.
روسیه و هندوستان سونگی ییللرده افغانستان اسلام امیرلیگی بیلن یقین علاقهده بولگن مملکتلردن حسابلنهدی. مسکو میلادی ۲۰۲۵-ییل جولای آییده اسلام امیرلیگینی تن آلدی و هندوستان هم کابل بیلن دیپلماتیک علاقهلرینی کوچهیتیرگن.
