اوزبیکستان جمهور باشلیغی شوکت میرضیایف و روسیه ییتکچیسی ولادیمیر پوتین، شانگهای همکارلیک تشکیلاتی گه اعضا دولتلر رهبرلری کینگشینینگ نوبتدهگی ییغیلیشی یانیده اوچرهشدی.
اوزبیکستان جمهورلیک ریاستی، ۹ سنبله/۳۱ آگست، دوشنبه کونی بیر بیانیه ترقهتیب، اوشبو اوچرهشووده اوزبیکستان بیلن روسیه اورتهسیدهگی کینگ قمراولی استراتیژیک شیریکلیک و اتفاقچیلیک مناسبتلرینی ینهده رواجلنتیریش و مستحکملش مسئلهلری کوریب چیقیلگن.
اوزبیکستان و روسیه ییتکچیلری، سودا-اقتصادی همکارلیک جدل رواجلنیب بارهیاتگنی گه تأکیدلب، جاری ییل باشیدن اوزارا توار آلیش-بیریش حجمی ۱۲ فایز گه آشگنینی بیلدیرگنلر.
تامانلر، صناعت، انرژی، ترانسپورت و اقتصادیاتنینگ باشقه استوار ترماقلریده ییریک قوشمه لایحهلرنی عملگه آشیریشگه توختهب اوتگنلر.
میرضیایف و پوتین، ایکی تامانلمه و کوپ تامانلمه فارمتلردهگی بولهجک تدبیرلر ریجهسینی هم محاکمه قیلگنی ایتیلگن.
