اسلام امیرلیگی تشقی ایشلر وزیری امیرخان متقی، افغانستان اوچون اروپا اتفاقی‌نینگ مخصوص وکیلی توماس فرلسن بیلن اوچره‌شیب، سیاست، انسان پرورلیک و ایکی تامانلمه همکارلیک‌لر مسئله‌لری حقیده بحث ایتگن.
تشقی ایشلر وزیرلیگی، بوگون (۲۱ میزان/۱۳ اکتوبر، سه‌شنبه) بیر بیانیه ترقه‌تیب ایکی تامان اوشبو اوچره‌شووده سیاسی و انسان پرورلیک مسئله‌لری حقیده بحث ایتگنینی بیلدیرگن.
متقی جنابلریگه کوره، خلق‌ارا همجمعیت اسلام امیرلیگی‌نینگ بنگی‌وار ماده‌لر گه قرشی کوره‌ش ساحه‌سیده‌گی یوتوق‌لرینی قوللب-قوتلش اینیقسه دهقانلر اوچون مقابل ایکینچیلیک منبع‌لرینی یره‌تیش باره‌سیده ضرور یاردم‌نی کورستمه‌گن.
خبرنامه گه کوره، توماس فرلسن اروپا اتفاقی‌نینگ افغانستان‌ده خوفسیزلیک‌نی تأمینلش و بنگی‌وار ماده‌لر گه قرشی کوره‌ش‌نی قوللب-قوتلش باره‌سیده تأکیدلب، بو اتفاق تورلی ساحه‌لرده اسلام امیرلیگی بیلن همکارلیک قیلیشگه اینتیله‌یاتگنینی بیلدیرگن.
اروپا اتفاقی‌نینگ مخصوص وکیلی اوتگن کونی هم اسلام امیرلیگی ایچکی ایشلر وزیری خلیفه سراج‌الدین حقانی بیلن هم اوچره‌شگن ایدی. ایچکی ایشلر وزیرلیگی‌نینگ معلوم قیلیشیچه، اوچره‌شووده تامانلر ایکی تامانلمه همکارلیکنی کینگه‌یتیریش، انسان‌پرورلیک مسئله‌لری، بنگی‌وار ماده‌لر گه قرشی کوره‌ش و خوفسیزلیککه عاید موضوع‌لرنی محاکمه قیلگن.
