اوزبیکستان جمهور باشلیغینینگ افغانستان بوییچه مخصوص وکیلی عصمتالله ایرگشاوف قطر دولتینینگ اوزبیکستاندهگی ایلچیسی حسن حمزه هاشم بیلن اوچرهشیب و افغانستان مسئلهلری حقیده بحث ایتدیلر.
اوزبیکستان تشقی ایشلر وزیرلیگی، ۹ سرطان/۳۰ جون، سهشنبه کونی بیر بیانیه ترقهتیب ایتیشیچه، ملاقات دوامیده ایکی تامان اوزبیکستان و قطر اورتهسیدهگی دالضرب مسئلهلرینی محاکمه قیلیش یانیده، افغانستاننینگ برقرار رواجلنیشی، سودا-اقتصادیات، ترانسپورت، لوژستیک و باشقه ساحهلرده همکارلیک قیلیشگه اعتبار قرهتیلیشیگه تأکید ایتگنلر.
بیانیه گه کوره، اوشبو اوچرهشووده قطر تامانی اوزبیکستاننینگ افغانستاننی اجتماعی-اقتصادی تیکلنیشینی قوللب-قوتلش گه قرهتیلگن ایزچیل سعی-حرکتلرینی یوقاری بهالب و تاشکینتنینگ منطقهوی برقرارلیک و ترقیات ساحهسیده رولی مهم ایکنلیگینی قوشیمچه قیلگن.
اوزبیکستان تشقی ایشلر وزیرلیگی بیانیهسیده، تامانلر اوزبیکستان-قطر همکارلیگینی ینهده مستحکملش، منطقهوی مسئلهلر بوییچه عملی همکارلیکنی کینگهیتیریش، شونینگدیک افغانستان مسئلهلری بوییچه منتظم ملاقاتلر دوام ایتیشیگه تأکید ایتگنلر.
ایسلهتیب اوتهمیز، اوزبیکستان و قطر اسلام امیرلیگینی تن آلگن بولمسه-لرده، بیراق افغانستان بیلن تورلی ساحهده همکارلیک قیلیب کیلهیاتگن مملکتلردن حسابلنهدی.
