اسلام امیرلیگی صناعت و سودا وزیری نورالدین عزیزی، ایران ایکینچیلیک جهاد وزیری غلامرضا نوری قزلجه بیلن اوچرهشدی.
صناعت و سودا وزیرلیگی، بوگون (۲۲ اسد/۱۳ آگست، پنجشنبه) ایکس اجتماعی ترماغیده بیر بیانیه ترقهتیب بو اوچرهشووده تامانلر افغانستان و ایران اورتهسیدهگی اقتصادیات و سودا همکارلیکلرنی کینگهیتیریش حقیده بحث ایتگنینی یازگن.
بیانیه گه کوره، اوشبو اوچرهشووده افغانستاننینگ قالین و گیلمی ایران گه صادر ایتیلیشی، افغانستاننینگ صادراتی توارلریگه بولگن ترانزیتی چیکلاولر حل ایتیلیشی، چابهار یونهلیشیدن توارلرنی تشیش، قرنطینه حجتی امضالنیشی، موزلتگیچ کانتینرلر و توارلر تیکشیریلیشی گه دایر قیینچیلیکلر کمهیتیریلیشی و ترانسپورت خرهجتلری بحث گه آلینگن.
بو اوچرهشووده شونینگدیک، ایران ایکینچیلیک جهاد وزیری مملکتینینگ ایکینچیلیک و ایشلب چیقرو بولیمیده قوشمه سرمایه کیریتیش گه قیزیقیشی و افغانستان بیلن همکارلیکلرینی کینگهیتیریش گه تیارگرلیگیدن خبر بیردی.
نورالدین عزیزی هم افغانستان و ایراننی اقتصادی مهم شیریکلردن دیب و بو ایکی مملکت اورتهسیده سودا یونهلیشیده بولگن قیینچیلیکلر حل ایتیلیشیگه تأکید ایتدی.
ایران ایکینچیلیک جهاد وزیری غلامرضا نوری قزلجه باشچیلیگیده اوشبو مملکت هیئتی، اوتگن اسلام امیرلیگی رسمیلری بیلن اوچرهشیش همده خلقارا ایکینچیلیک و چارواچیلیک کورگزمه گه اشتراک ایتیش مقصدیده کابل گه کیلدی.
