جاری ییل‌ده، ایکینچیلیک ییرلردن قریب ۸۰۰ هکتاری پخته ایکینی گه اختصاص بیریلگن و لغمان ولایتی‌ده ایکینچیلر نینگ ایتیشلریچه، پخته حاصلاتی اوتگن ییل گه قره‌گنده کوپه‌یگن. اولر مسئوللردن پخته نینگ ساتیش خصوصیده ایکینچیلر بیلن همکارلیک قیلیش نی ایسته‌گنلر.
اوچ جریب ییر گه پخته ایککن لغمان ولایتی قرغه‌یی تومنی یشاوچیسی محمد‌اسماعیل نینگ ایتیشیچه، هر ییل پخته محصوللری نینگ ساتیلیشی‌دن قولگه کیلتیره‌دیگن درآمدی، حتا ایکین مصرفی ماده‌لری نینگ خره‌جتینی تأمین قیلمه‌یدی.
بیزلرنینگ فیسبوک صحیفه‌میزگه باش اورینگ!
محمد اسماعیل نینگ کوپه‌یتیریشیچه، بو توغریده اونگه هیچ قنده‌ی یاردم بیریلمه‌گن. «اوچ جریب ییر گه پخته ایکدیم، هر بوته گه اَیری اَیری کیمیاوی کود تشله‌دیم، بیراق یخشی حاصل قولگه کیلتیرگنیم بیرحالده، پخته اوچون ماس بازار یوق. دولت‌دن بو توغریده همکارلیک قیلینیشی نی ایسته‌مین، یاردم بیریلمه‌گن صورت‌ده، کیله‌جک‌ده یشاوچیلر نینگ پخته ایکمه‌سلیگی ممکن.»
لغمان ده ایکینچیلر، سرپرست حکومت‌دن پخته حاصلاتی نینگ ساتیلیشی اوچون ماس بازار بولیمی‌ده جدی توجه قیلیش‌لری نی ایسته‌گنلر.
لغمان ده ایکینچیلردن باشقه بیری جاوید نینگ ایتیشیچه، ماس بازار یوقلیگی گه علاوه، شونینگدیک پخته حاصلاتی نینگ ییغیش خصوصیده هم قیین‌چیلیک بیلن روپه‌ره دیر. اونینگ کوپه‌یتیریشیچه: «اونینگ کوپ قیین‌چیلیک بیلن پاک قیله‌میز، بیراق بازار گه عرضه قیلگنی‌میز پیتده، آز خره‌جت گه ایسته‌یدیلر که قیلگن زحمتی‌میز گه ارزیمه‌یدی. تیزلیککه بو قیین‌چیلیک نینگ دولت تامان حل بولیشی خصوصیده امید‌وار‌میز.»
ایکینچیلیک ایش بیلرمان‌لری نینگ ایتیشلریچه، مملکت نینگ شرقی ولایت‌لریده پخته نینگ حاصل بیریشی یخشی دیر و ماس بازار یره‌تیلیشی خصوصیده حکومت نینگ ییترلی توجه قیلمه‌گنی صورت‌ده، پخته ییتیشتیریلیشی نینگ کمه‌یشی ممکن. اولر گه کوره، لغمان ده ایکینچیلر تامانیدن حاضرگچه پخته محصوللری نینگ ایکیلیشی و ییغیلیشی اوچون سنتی روش قوللنیله‌دی و اولر گه ستندرد روش‌لر نینگ اورگه‌تیلیشی کیره‌ک. «اصلاح بولگن اوروغ یوقلیگی، پخته نینگ پروسیس قیله‌دیگن ماشین یوقلیگی، پخته اوچون ماس بازار یوقلیگی و محصول‌لر نینگ سقله‌نیشی اوچون ییر یوقلیگی، افغانستان ده دهقان‌لر نینگ روپه‌ره بولگن بویوک قیین‌چیلیک‌لردن دیر.»
باشقه بیر تامان‌دن، لغمان ده پخته ساته‌دیگنلر نینگ ایتیشلریچه، اوشبو ولایت‌ده پخته ساتیلیش بازاری، اوتگن ییل‌لر گه قره‌گنده کمه‌یگن.
لغمان مرکزی مهترلام شهری‌ده پخته ساتووچیلردن بیری نعمان نینگ ایتیشیچه: «تورلی‌خیل پخته نینگ ساته‌میز، لیکن اوتگن ییل‌لر گه قره‌گنده وطنی پخته بازاری کمه‌یگن، چونکه اونینگ بهاسی یوقاری دیر و یشاوچیلر نینگ اقتصادی وضعیتی یخشی ایمس. انه شوو سبب، حاضر ایسه اهالی ماشینی یا-ده گازی پخته آله‌دیلر.»
بیزلرنینگ «ایکس» ترماغی ده هم تعقیب قیلینگ!
لغمان ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، اوشبو ولایت‌ده اوتگن ییل گه قره‌گنده پخته ایکینی کوپه‌یگن و شونینگدیک اوتگن ییل‌لر گه قره‌گنده اونینگ محصولاتی کوپه‌یشی هم کوتیلماقده. اوشبو ریاست نینگ ایکینچیلیک خذمت‌لر آمری بریالی همدرد نینگ ایتیشیچه: «بو ییل لغمان ده ۸۰۰ هکتار ییرگه پخته ایکیلگن. اوشبو ییل ۱۲۰۰ تُن پخته نینگ قولگه کیلیشی نی کوتیب تورگن‌میز. لغمان ده پخته محصوللری ۱۵-میزان گه قدر ییغیله‌دی. بو ییل کوپراق پخته قولگه کیلیشی نی کوتیب تورگن‌میز.»
ایتیش کیره‌ک که، بو ییل لغمان ده یالغیز پخته یخشی حاصل بیرمه‌گن، بلکیم ممپلی، جواری و باشقه محصول‌لر هم یخشی حاصل بیرگن دیر.
