بلخ ایکینچیلیک، چاروه‌چیلیک و سووغاریش ریاستی مسئوللری نینگ ایتیشلریچه، بو ییل مذکور ولایت‌ده پخته حاصلاتی ۱۰ فایز کوپه‌یگن. اولر نینگ کوپه‌یتیریشلریچه، جاری ییل اوشبو ولایت نینگ قریب ۳۰ مینگ هکتار ییری، پخته ایکینی گه اختصاص بیریلگن.
بلخ ایکینچیلیک ریاستی نینگ معلوماتی اساسیده، مذکور ولایتده‌گی ایکیلگن ییرلردن، ۳۷-۴۰ مینگ متریک تُن پخته قولگه کیلیشی ممکن.
بیزلرنینگ فیسبوک صحیفه‌میزگه باش اورینگ!
بلخ ایکینچیلیک رئیسی شمس‌الدین خالد نینگ ایتیشیچه، اوتگن ییل طبیعی آفت‌لر و سوو کم‌لیگی سبب، اوشبو ولایت‌ده ایکینچیلیک ییرلردن ۳۰ مینگ متریک تُن پخته قولگه کیلگن. او بلخ ولایتی ایکینچیلریدن حمایت بولینیشی گه تاکید‌لب ایتیشیچه: «بو ییل ایکینچیلیک ریاستی تامانیدن پخته‌لر نینگ سقلش اوچون دهقان‌لر گه ایکینچیلیک مورد‌لر نینگ تعلیم بیریلیشی و دارو نینگ تانیشتیریلیشی نتیجه‌سیده، حاصلات کوپه‌یگن دیر.»
شونده‌ی بیرحالده، ایکینچیلردن قطاری حاصل‌لری کوپه‌یگنی‌دن خورسند‌لیک بیلدیریب و ایکینچیلیک بولیمی اینیقسه پخته ایکیلیشی خصوصیده مسئوللر نینگ کوپراق توجه قیلیش‌لری نی ایسته‌یدیلر. اولر نینگ ایتیشلریچه، گرچند سولری برق ییتکزیش سیستمی بیلن جهازلنگن قودوق‌لر نینگ قازیلیشی، اولر نینگ قیین‌چیلیک‌لریدن بیرازی نی حل قیلگن؛ بیراق بلخ ولایتی نینگ بیر قطار بولیم‌لریده ایکینچیلردن قطاری، حاضرگچه سوو کم‌لیگی بیلن روپه‌ره دیر.
قریب ۱۵ جریب ییری گه پخته ایککن بلخ ولایتی ایکینچیلیک‌لریدن حبیب‌الله نینگ ایتیشیچه، سوو کم‌لیگی گه علاوه، محصول‌لری نینگ ساتیلیشی اوچون ماس بازار یوق. اونینگ کوپه‌یتیریشیچه: «حاضر ایسه دنیا بویلب اینگ یخشی پخته بولگن افغانستان پخته‌سی، یالغیز پاکستان بازار‌لریده ساتیله‌دی. باشقه مملکت‌لر گه هم صادر بولینیشی نی ایسته‌یمیز.»
عین حالده، بلخ ایکینچیلیک وزیرلیگی نینگ اوسیم‌لرنی سقلش ریاستی باشلیغی عتیق‌الله مسلم نینگ ایتیشیچه، اوشبو ولایت‌ده ایکینچیلر قیین‌چیلیگی حلی و حمایتی اوچون، برنامه‌لر نی قولگه آلگنلر. اونینگ کوپه‌یتیریشیچه: «ایکیش، مراقبت، توپلش، پروسس و مملکت پخته‌سی ساتیلیشی خصوصیده ایکینچیلیک وزیرلیگی سعی و حرکت قیلیب و همکارلیک قیله‌دی.»
بیزلرنینگ توییترده هم تعقیب قیلینگ!
بولرگه علاوه، افغانستان شمالی‌ده پخته ساتووچیلر بیرلشمه‌سی مسئوللری ایکینچیلردن پخته سقله‌نیشی اوچون، پلاستیکی بوجی‌لر اورنیده، نخی بوجی‌لردن قوللنیش‌لری نی ایسته‌گنلر.
اوشبو بیرلشمه عضوی سید‌محمد هاشمی نینگ ایتیشیچه: «پلاستیکی بوجی‌لر بیلن پخته نینگ انتقال بیریلیشی، ایچکی پخته کیفیتی نی قویی کیلتیره‌دی و انه شوو سبب، ایکینچیلر نخی بوجی‌لردن قوللنه‌دیلر.
گرچند پخته سقلش اوچون نخی بوجی‌لردن قوللنیش ایکینچیلر تامانیدن ممنونیت بیلن کوتیب آلینگن؛ بیراق اولر ساتووچیلر بیرلشمه‌سیدن اوشبو بوجی‌لر نی رایگان شکلده اولر گه بیریلیشی نی ایسته‌یدیلر.
