اسلام امیرلیگی تامانیدن خشخاش ایکیلیشی تقیق‌لنگنی‌دن کیین، ارزگان ده ایکینچیلردن کوپ قطاری زیره ایکیش گه یوز کیلتیرگنلر. مذکور ایکینچیلردن قطاری نینگ ایتیشلریچه، خشخاش گه قره‌گنده زیره قیمتی آز بولگنی بیلن، بیراق باشقه ایکینلر گه نسبتاً یخشی درآمدی بار.
ارزگان مرکزی ترینکوت شهری‌ده کوچت ساتووچیلردن قطاری نینگ سلام‌وطندار گه ایتیشلریچه، اوتگن ییل‌لر گه قره‌گنده جاری ییل اوشبو ولایت‌ده کوچت ساتیلیشی قریب ۵۰ فایز کمه‌یگن.
افغانستان ده اسلام امیرلیگی نینگ قیته قدرت گه ایریشگنی بیلن، اوشبو حکومت آرقه‌لی مملکت بویلب مخدره ماده ایکیلیشی تقیق‌لندی؛ بیراق ینه هم بیر قطار بولیم‌لر یشاوچیلری یاشیرینچ شکلده یوزلب جریب ییر گه کوکنار ایککنلر.
هلمند و زابل ده ایکینچیلردن قطاری، کوکنار اورنیده بدیل ایکین تأمین‌لنمه‌گنیدن شکایت قیلیب سلام‌وطندار گه ایتیشلریچه، اوتگن ایکی ییل‌دن بویان اسلام امیرلیگی سرپرست حکومتی کوکنار اورنیده بدیل ایکین تأمین‌لنیشی‌ده اولر گه اعتبار قره‌تمه‌گن.
افغانستان شرقی‌ده جایلشگن لغمان، ثمرلی ولایت‌لردن بیری بولیب و اوشبو ولایت یشاوچیلریدن ۸۰ فایزی ایکینچیلیک و چاروه‌چیلیک بیلن شغللنگن دیر. لغمان ولایتی‌ده‌گی ایکینچیلر نینگ ایتیشلریچه، اوتگن ییل‌لرده ییرلریگه موسومی شکلده نرسه ایکه‌ر ایکن‌لر؛ بیراق حاضر ایسه گل‌خانه قوریلیشی بیلن، قدیمی ایکیلیش اصولی اوزگریب و اولر ییرلریده موسومی بولمه‌گن ایکینلر نی هم ییتیشتیره‌دیلر.
بیرینچی مرته، قندهار ده بیر کون‌لیک زعفران کورگزمه‌سی یولگه قوییلگن. اوشبو کورگزمه گه مذکور ولایت نینگ تورلی تومن‌لریدن ایکینچیلر اشتراک قیلیب و محصول‌لری نی نمایش گه قویگنلر.
میدان‌وردک ده باغ‌دارلردن قطاری نینگ ایتیشلریچه، جاری ییل‌ده آلمه حاصلاتی اوتگن ییل‌لر گه قره‌گنده کوپهیگن، بیراق ماس بازار یوقلیگی سبب، آلمه نی یریم قیمت گه ساته‌دیلر.
پروان ده باغ‌دارلردن قطاری، قوروق میوه‌لر ساتیلیشی اوچون ماس بازار یوق‌لیگی‌دن شکایت قیلیب ایتیشلریچه، قوروق میوه‌لر نی آز قیمت گه ساته‌دیلر. اولر نینگ کوپه‌یتیریشلریچه، جاری ییل‌ده اوتگن ییل گه نسبت ایچکی بازارلرده قوروق میوه‌لر قیمتی، ۶۰ فایز اوزگریب و ایکینچیلر نینگ خواطرلری گه سبب بولگن.
جاری ییل‌ده، ایکینچیلیک ییرلردن قریب ۸۰۰ هکتاری پخته ایکینی گه اختصاص بیریلگن و لغمان ولایتی‌ده ایکینچیلر نینگ ایتیشلریچه، حاصلاتی اوتگن ییل گه قره‌گنده کوپهیگن. اولر مسئوللردن پخته نینگ ساتیش خصوصیده ایکینچیلر بیلن همکارلیک قیلیش نی ایسته‌گنلر.
بلخ ایکینچیلیک، چاروه‌چیلیک و سووغاریش ریاستی مسئوللری نینگ ایتیشلریچه، بو ییل مذکور ولایت‌ده پخته حاصلاتی ۱۰ فایز کوپهیگن. اولر نینگ کوپه‌یتیریشلریچه، جاری ییل اوشبو ولایت نینگ قریب ۳۰ مینگ هکتار ییری، پخته ایکینی گه اختصاص بیریلگن. بلخ ایکینچیلیک ریاستی نینگ معلوماتی اساسیده، مذکور ولایتده‌گی ایکیلگن ییرلردن، ۳۷-۴۰ مینگ متریک تُن پخته قولگه کیلیشی ممکن.
هرات ده ایکینچیلیک، سووغاریش و چاروه‌چیلیک ریاستی آرقه‌لی عشر توپلنیشی باشلنگنی بیرحالده، اوشبو ولایت تورلی تومن‌لریده ایکینچیلردن قطاری نینگ ایتیشلریچه، اوتگن ییل نینگ ساووق قیشی و ییترلی سوو یوقلیگی سبب، حاصل‌لری کمه‌یگن و مکمل شکلده عشر نی توله‌ی آلمه‌یدیلر.
جوزجان ده ایکینچیلردن قطاری نینگ ایتیشلریچه، کیت‌مه-کیت قوروق‌چیلیک‌لر و یامغیر یاغمسلیگی سبب، زیان کورگنلر. اولر نینگ کوپه‌یتیریشلریچه، موسومی یامغیر یاغمسلیگی، سوو کم‌لیگی و شونینگدیک اوسیم‌لیک آفت‌لری، اوشبو ولایت‌ده آبی و دیمه بوغدای ایکین‌لرینی اورته‌دن کیتگزگن.
پکتیا ده ایکینچیلردن قطاری نینگ ایتیشلریچه، جاری ییل کوپ یاغینگرچیلیک و سیر سوولیک سبب، مذکور ولایت‌ده برنج ایکیلیشی کوپهیگن.
ننگرهار ده ایکینچیلریدن قطاری نینگ سلام‌وطندار گه ایتیشلریچه، جاری ییل‌ده اوشبو ولایت‌ده قلمپیر ایکینی اوتگن ییل گه نسبتاً کوپهیگن بولسه ده، بیراق نرخی سیزیلرلی درجه ده پس توشگن.
هلمند ولایتی ایکینچیلریدن قطاری شکایت قیلیب ایتیشلریچه، اوشبو ولایت‌ده تازه میوه و سبزهوات اوچون موزخانه یوقلیگی سبب، محصول‌لری نینگ خراب بولمه‌سلیگی اوچون، آز قیمت بیلن ساتیش گه مجبورلر.
قندوز ده ایکینچیلر نینگ ایتیشلریچه، بو ییل مذکور ولایت‌ده ترووز حاصلاتی نظیری کوریلمه‌گن درجه‌ده کوپهیگن؛ بیراق بازار یوقلیگی و ترووز قیمتی کمه‌یگنی سبب، زیان کورگنلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
