هرات ده ایکینچیلیک، سووغاریش و چاروه‌چیلیک ریاستی آرقه‌لی عشر توپلنیشی باشلنگنی بیرحالده، اوشبو ولایت تورلی تومن‌لریده ایکینچیلردن قطاری نینگ ایتیشلریچه، اوتگن ییل نینگ ساووق قیشی و ییترلی سوو یوقلیگی سبب، حاصل‌لری کمه‌یگن و مکمل شکلده عشر نی توله‌ی آلمه‌یدیلر.
هرات ولایتی گذره تومنی ایکینچیلریدن بیری نثاراحمد نینگ ایتیشیچه، قولگه کلتیرگن هر ۱۰ سیر بوغدای‌دن، بیر سیری نی حکومت گه بیرگن دیر. اونینگ کوپه‌یتیریشیچه، بو ییل قورغاقچیلیک سبب، کوپینچه حاصل قولگه کلتیرمه‌گن؛ بیراق حکومت گه ینه هم عشر تولش گه مجبور دیر. «مأمورلر گه حتا بوغدای نینگ اورگنیم‌میزدن پول قولگه کیلتیرگنیم یوق دیدم؛ بیراق عشر بیر دیدیلر. بوغدای آلیب بیریش گه قرار آلدیم.»
بیزلرنینگ فیسبوک صحیفه‌میزگه باش اورینگ!
هرات مرکزی «ملدان» قیشلاغیده‌گی ایکینچیلردن عبدالعزیز تیموری نینگ ایتیشیچه، قورغاقچیلیک اوشبو ولایت ایکینچیلری گه زیان ییتیشتیرگنی بیرحالده؛ بیراق ایکینچیلیک ریاستی، هر ۱۰۰ سیر بوغدای‌دن، قریب ییتی یریمی نی عشر صفتیده توپلگن دیر. اونینگ کوپه‌یتیریشیچه: «قیشلاغیمیزدن ۳۳ خروار بوغدای توپله‌دیک، انجیل تومنی ایکینچیلیک مسئوللری بیلن صحبت قیلدیک و بو ییل قورغقچیلیک بولگنی و سولر بیلن ایکینچیلیک ییرلر نینگ سوغارگنیمیز نی ایتدیک، لیکن ییرلردن قولگه کیلتیرگنیمیز حاصل‌لر عشری نی بیریشیمیز نی ایتدیلر.»
لیکن هرات ایکینچیلیک، سووغاری شو چاروه‌چیلیک ریاستی، عشر توپلش نی الهی بویروغ عنوان قیلیب ایتیشیچه، حاصل قولگه کیلگن ییرلردن عشر توپلنه‌دی.
هرات ایکینچیلیک، سووغاریش و چاروه‌چیلیک ریاستی سرپرستی محمد‌نسیم سحر نینگ ایتیشیچه، جاری ییل‌ده دریا سووی بیلن سوغاریلگن حاصل بیرووچی ییرلردن، هر ۱۰ سیردن ۱ سیر و سولردن فایده‌لنیش بیلن سوغاریلگن ییرلردن ایسه ۲۰ سیردن ۱ سیر عشر آلینه‌دی.
اونینگ کوپه‌یتیریشیچه: «محصول نینگ آز یا-ده کوپ بولگنی پیتده، عشر آله‌میز، بیر دهقات ۱۰ سیر بوغدای قولگه کیلتیرسه، بیر سیری نی آله‌میز و ۱۰۰ سیر حاصل قولگه کیلتیرسه، ۱۰ سیری نی عشر آله‌میز و حاصل بیرمه‌گن ییرلردن عشر آلگنیمیز یوق.»
عین حالده، هرات ایکینچیلیک ریاستی نینگ ایتیشیچه، سولردن فایده‌لنیش بیلن سوغاریلگن ییرلرده، هر ۲۰ سیر محصولی‌دن بیر سیری نی عشر صفتیده آلینه‌دی؛ بیراق هرات پشتون‌زرغون تومنی نینگ «منزل» قیشلاغی ایکینچیلریدن محمد ابراهیم نینگ ایتیشیچه، ییری نینگ سوغاریلیشی سولر آرقه‌لی صورت تاپگنی بیرحالده، هر سکیز سیر بوغدای‌دن بیری سیری نی عشر صفتیده آلینگن دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «ایکین یوقلیگی و دریاده سوو یوقلیگی و سولر سووی‌دن قوللنگنمیز نی ایتگنی‌میز بیرحالده، لیکن ۴ خروار بوغدای‌دن ۴۰ سیر عشر آلدیلر.»
مذکور ایکینچی حکومت‌دن ایکینچیلر عشر پولی نی بانککه تحویل بیریشلری اوچون عشر توپلش پروسه‌سی نی مالیه قانونی کبی بولینیشی نی ایسته‌گن.
هرات ولایتی‌ده قورغاقچیلیک ایکینچیلیردن کوپینچه‌سی گه زیان ییتیشتیرگنی بیرحالده، اوشبو ولایت‌ده عشر توپلش پروسه‌سی باشلنگن.
