افغانستانده کرونا ویروسی‌گه چلینگن‌لرنینگ سانی کوپه‌یب و تلفات رقمی یوقاری کیتگنیدن سونگ، دولت ایشلاوچی‌لری نینگ ایش ریجه‌سی حکومت تامانیدن ارایه ایتیلدی.
اوشبو ریجه‌گه کوره، ۵۵ یاشردن یوقاری و تنفسی و قلبی کسل‌لیککه چلینگن ایشلاوچی‌لر ایش‌لرینی اوی‌لریدن دوام بیره‌ریدی.
حاضرده ساغلیق‌نی سقلش وزیرلیگی رسمی‌لری نینگ ایتیش‌لریچه، دولتی اداره‌لر فعالیت‌لری نینگ قیته باشله‌نیش ریجه‌سی قولگه آلینگن.
ساغلیق‌نی سقلش وزیرلیگی سوزلاوچیسی دستگیر نظری نینگ سلام‌وطندارگه ایتیشیچه ، اوشبو وزارت دولتی اداره‌لر فعالیت‌لرینی قیته باشله‌نشی‌نی اعلان قیلگن و مذکور اداره‌لر برنامه‌لرینی ساغلیق‌نی سقلش وزیرلیگی رهنمودلریگه ماس قیلگن صورتده، ایش‌لرینی عادی شکلده دوام بیره آله‌دی.
بوندن آلدین کرونا ویروسی کوپه‌یگنی سبب، مکتب‌لر و بیلیم یورت‌لر تعطیل ایتیلیب و دولتی اداره‌لر فعالیت‌لریگه اوزگریشلیک کیلتیریلگن ایدی و حاضرده دولتی اداره‌لر فعالیت‌لری باشله‌نیش ریجه‌سی قولگه آلینگنی ایتیله‌دی.
عالی اوقوو یورت‌لر و معارف وزیرلیگی نینگ ینگی ریجه‌سیگه کوره، مکتب‌لر و بیلیم یورت‌لر ایشک‌لری ساغلیق‌نی سقلش وزیرلیگی نینگ رهنمودلری‌اساسیگه آچیلگن.
شونینگدیک، بوگون “یکشنبه” افغانستان بوییچه ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کوندوز ده کرونا ویروسی‌گه شبهه‌لی ۱۶۹۷ کیشی دن آلینگن نمونه‌لر سیناو دن اوتکزیلگن و بوجمله‌دن ۴۱۴ ته‌سی نینگ نتیجهسی ایجابی تانیلگن.
ساغلیق‌نی سقلش وزیرلیگی‌گه کوره، مذکور مدت‌ده کرونا ویروسی‌گه چلینگن‌لردن ۵۲ ته‌سی دنیا دن اوتیب و باشقه ۱۲۲۴ ته‌سی درمان‌لنگن دیر.
ساغلیق‌نی سقلش وزیرلیگی تامانیدن بیریلگن آمارلرگه کوره، مملکت ده کرونا ویروسی ترقه‌لگنیدن حاضرگه‌قدر ۱۴۴ مینگ و ۲۸۵ کیشی بو ویروس‌گه چلینگن و بو جمله‌دن ۶ مینگ و ۴۷۷ ته‌سی دنیا دن اوتگن.
