Asset 1SWN

جوزجان ده طالبان جنگریلری اوقیتووچی‌لر و ایشلاوچی‌لردن باج آلیشه‌دی

4785517-owr8yvg166b9841h7nto8p6hdcu5jwpxfb1233vszs

جوزجان ولایتی نینگ آقچه و مردیان تومنی یشاوچی‌لریدن بیرقطاری نینگ سلام‌وطندارگه ایتیش‌لریچه، طالبان گروهی اوشبو ولایت یشاوچی‌لریدن باج آله‌دی.

آقچه و مردیان تومنی یشاوچی‌لری نینگ تینچلیک‌نی تامین‌لش اوچون محلی مسوول‌لر دقت‌سیزلیگی‌دن تنقید قیلیب ایتیش‌لریچه، حاضرگه‌قدر اوشبو تومن‌لرده اهالی‌نی طالبان زوروانلیگی‌دن قوتقریش اوچون هیچ‌قنده‌ی حربی عملیات یولگه قوییلمه‌گن.

شونینگدیک جوزجان امنیتی مسوول‌لری، طالبان گروهی نینگ اوشبو ولایت یشاوچی‌لریدن باج آلیشی‌نی تصدیقله‌یدی.

جوزجان پولیس قومندانی عبدالواحد وجدان نینگ ایتیشیچه، اوشبو ولایت نینگ بیرقطار تومن‌لریده طالبان گروهی ینگی قانون‌لرنی قویگن و بو قانون‌لر آرقه‌لی، هر آی‌ده ایشلاوچی و اوقیتووچی‌لردن ۲۰۰ دن باشلب ۳۰۰ افغانی پول آله‌دی.

جوزجان مدنی فعال‌لری نینگ ایتیش‌لریچه، اوشبو ولایتده حربی عملیات یولگه قویلمه‌گنی سبب، طالبان نینگ قلمروی کون اوتیش بیلن کینگی ماقده و بو گروه جنگری‌لری نظارت‌لریده بولگن منطقه‌لرده هیچ‌قنده‌ی زوروالنیک‌دن قول تارتمه‌یدی.

بوتوغریده طالبان فکرینی آلیش اوچون سعی و حرکت قیلدیک، لیکن موفق بولمه‌دیک.

کلیدی کلمه‌لر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام